正所謂各花入各眼，我覺得iPhone很酷，你覺得iPhone很爛，是讚是彈沒有所謂，最緊要有point。在本月頭，我看到某位Blogger的一篇N8介紹，文中雖然未有任何評測(嚴格上來說是拿leaflet都可以寫到的一篇Blog文)，不過看過他的優美文字就像Steve Jobs Sell我買N8一樣，受那好奇心跟其感性行銷驅使下，小弟真金白銀在豐澤買了一台Nokia N8。 結果…….
當N8開機入到首頁那刻，第一印象是：畫面很靚，第二印象是：操作極爛。我知道朋友或者聽眾們很期待我去評那台N8，有聽眾在twitter跟我說要在talkonly鬧足六個鐘方可以”回本”，在此跟各位說：我要讓大家失望了，新的沒有需要鬧(因為沒有新的)，舊的已經鬧過，無謂三幅被。 或者是我的exception有誤，每一次去接觸N記的Symbian手機都是期望UI操作可以有丁點改善。而事實是，N8拍攝功能之厲害毋容置疑，硬件一流，可是軟件卻是九流。在使用N8的時候，我不斷地產生同一個問題：為何N記不願去徹底解決Symbian的問題？
曾幾何時Windows Mobile都是越趨不濟，今天Windows Phone 7 會否成功我不知道，但至少我欣賞Microsoft有勇氣去完全推翻一個已建立十多年的系統。推翻WM未必會成功，不過沿用WM發展的話顯然只會繼續走向失敗道路，今天N記在Smartphone的發展看來也有這樣的樽頸，夠竟N記有沒有像MS這樣壯士斷臂的勇氣？
可能各位會問：既然N記如此不濟，為何仍然站立於市場一哥地位？我認為N記手機從Feature Phone用家角度仍然是十分好，他們只需要特定功能，有好的話音質素，正常基本操作，便不會覺得有問題，能夠聽歌或者影相當然更好。但到裝Third Apps或這瀏覽網頁時，Symbian就會令整個User Experience變得Unfriendly。根據GFK的報告，過去好幾個月(甚至好幾年)N記手機長據銷量頭幾位，大部份屬低階型號，鮮有出現高階型號，更甚的是Symbian在亞洲的市佔率已被Android超越，N記想在Smartphone市場分一杯羹，應該好好思考一下未來發展路向。
我也想去甚麼甚麼Event然後寫甚麼甚麼Review，可是我這些不懂地球如何運作的人就是不懂把手機可以換Theme或者Ovi Store寫成革命性功能。回想那篇N8 Blog文，我才驚覺那位不是Blogger，是詩人，寫的不是Review，是詩篇。他令我想起在喜劇之王中，張栢芝學會如何欣賞八兩金瀟灑的一面。說認真的，從人的角度，如果人生能夠學會從負面找到樂觀一面的確是一件好事。從寫Review角度的話，個人認為寫膳的話不一定要吹牛，其實同樣可以像人生一樣從負面找到樂觀一面，例如寫一下Launch Party如何好玩，寫一下Angry Birds原來都有得玩也不錯吧。
後話：
這幾個週末，小弟都要為公司Server升級工作，基本上比平日工作更忙。上星期日，明明一早替客戶辦好的事因為那個客搞錯了要重新再做，但個客反過來要催我時間，到我趕頭趕命做完回家，又給屋企人鬧遲回家食飯。當時我不禁一問：為何這樣努力，最後還是吃力不討好？因為N8，我得到了答案。話說我曾經說過買N8回來試兩個星期就放出去，後來從A網友口中得知原來友人覺得：試兩個星期唔夠。
我曾經天真地以為我有能力convince大部份人，但原來是不可能的，你覺得做得好，個客會覺得做得慢，趕頭趕命只為回家食一餐飯，屋企人會覺得你只是出街玩到夜一夜才回家，你覺得own一台機試比在豐澤拿幾分鐘試好，別人覺得兩星期”唔夠”。事情往往只是觀點與角度，我沒有多大野心要每事做第一，但求做到自己能力的最好已無愧於心，合格就可以了。
Jacky網友在Twitter跟我說：人地出一次柒文，你就買一次柒機測試。坦白說，除了因為對感性行銷的好奇，我是因為看不過眼 – 為何轉載別人對N8的負評會被別人責罵？正因為這樣我才買部N8試試，睇下有多好，點解可以好到唔鬧得。無論如何，N8我是會賣的，而為了令這件事”無咁柒”，我決定會將賣出後所得的金額全數捐出予鮮魚行學校，然而款項不多，但仍希望捐款能夠幫助該學校。
識得我的朋友相信大部份都知我對N字頭品牌手機特別有”厭惡”，事實上能夠在市場購買到的差勁電話大有”機”在，為甚麼我會特別對Nokia有Bias？這個要由N97說起 …… (以下故事我已經回帶過十九幾次，今次應該是小弟最後一次談及。)
大約年多前，N記推出Symbian機王N97，本地Blogger對該機王近乎一致讚好，這驅使我對該機產生濃厚興趣，因為當時就了解大多Blogger都是用iPhone，而我的Expectation是，既然iPhone用家都讚好，作為同樣是iPhone用家的我應該對該手機感覺不會太差。我特意找個機會拿了部N97上手，個人感覺是：很難用(下文有詳解)，回望那些N97的Blog文，不禁有一疑問：為何Blogger們都可以對此機讚口不絕？究竟是因為他們抽離iPhone用家身份寫得太客觀，還是我過於投入iPhone用家身份而看得太主觀？當時我將同樣的問題問過其中一Blogger友人，他是這樣答的：寫o係咁寫o者。這個答案背後有甚麼意思，留待給各位自行解讀。
我曾經在talkonly講過，Blogger應該是事實報導真相的，所以不認同那位Blogger的做法。後來經過一段時間思考，我得出的結論是：可能是我個人門檻定得太高，學黃子華所言，其實人生不外乎”搵食者，犯法架，我想架”，我之能夠聲大夾惡是因為我”搵食”的範疇不在於Blog。倘若我在豐澤做Sales，有人walkin入來要買N97，難到我會跟他說不要買嗎？這個故事再一次提醒我們，在資訊爆炸的年代，只有自己才是最可靠的。
不知為何，每次N記出新電話網上總會有不少爭論，古有中學生應否談戀愛，前陣子看到有打電話應否睇說明書。所謂爭論當然離不開說N記手機的好，還有說N記手機的壞，而很顯然，我是屬於後者。 我對於這些爭論的看法是，這個世界沒有任何一個人或者一件事能夠100%得到所有人去認同，我認為少數服從多數的大前題是多數尊重少數，曾幾何時生果產品也是少眾玩意，作為資深生果信徒應該絕對明白做少眾是甚麼滋味。今天的生果，難保成為明天的N記，做人留一線，日後好相見吧？因此我對於持相反立場的朋友是萬二分尊重。再者，客觀事實是：N記仍然穩佔市場一哥地位，愛N記的大有人在，亦不稀奇。
在Microblogging當道的年代，網上看到的越來越多，可是卻越來越短，寫Blog的人較過去的為少，因此我是十分欣賞肯認真試認真寫的Blogger，那怕立場跟自己不一樣的。因為互聯網正正需要填入這些”實際資訊”，Blog就像一個大Wiki，需要不斷的加入資訊才會令這個大Wiki更Informative。
借左部機返黎研究左好幾日，總算修成正果，對於Ovi Store o既體驗稍後會有後續文章講解，今日先同各位分享下暫時小弟在E72(或者S60系機)精選出來軟件。
Ovi Store 貼士：記住搵Software前先Login，否則搵出黎既Software有機會同你部機唔兼容
E72貼士：長按”Home”鍵可以顯示運行中軟體，而在軟件中按拒接鍵可以直接關閉軟體。
現時Ovi Store甚或新買Nokia手機已經預裝頭條日報或者星島日報軟件，兩個軟件都有即日同即時新聞
另外生果報都有提供蘋果日報App，唔止有日報同即時新聞，仲可以背景定時下載新聞。
S60 Twitter Client選擇唔多，如果要揀首選一定係 Gravity，由於Twitter對我黎講係必需品，所以真係要用既話都要買啦，Gravity可以直接在主畫面揀相簿裡面o的相出Tweet。如果唔係常用者可以考慮用網站Mobile版Twitter，近期更新左o既新版Twitter Mobile網站介面更加User Friendly，純粹睇Tweet出文字Tweet都夠晒用。
除講電話以外，大部人在手機上最重要的就是MSN，小弟發現”Windows Live Messenger”同”Chat”對E72兼容都有點問題，暫時測試中可用度最高最完整就是fring，兼且可以支援Twitter，必裝!!
地圖方面，除o左用Default o個個，各位可以考慮用返用開o個個Google Maps，只要o係手機進入 http://m.google.com 就可以Download Google Maps o既Native App。
除左預設網站瀏覽軟件外，用家可以安裝Thrid Party既Web Browser，小弟就裝o左Opera Mobile最新版本落部E72。Opera Mobile充分利用按鍵操作介面間接提升手機可用度(最好係可以Save Password)，我就將睇開Openrice Mobile，eprice等網站儲存o左落Welcome Page度方便除時開黎睇。利用手機進入 http://m.opera.com/mobile 就可以直接下載 Opera Mobile。
Google之所以稱之為神，係因為無o左佢真係會”唔掂”。 好似小弟咁，隨身一定會帶最少兩部電話(因為超人台返工放工時間旺區差唔多一定上唔到網，所以焗帶多部電腦做”保險”)，而Google Sync就可以幫小弟將兩部生果電話o既電郵/聯絡人/行事曆Sync埋一齊，甚或上埋Google個網做Edit，呢個免費Solution對我黎講簡直係做福萬民。亦因為咁，我一拎部E72返黎試所做o既第一件事就係Setup個Google Sync。
如果各位或者E系機用家有用過Google Sync就會知道，其實佢係一個Microsoft Exchange戶口，理論上o係Mail for Exchange一做好設定其實就已經可以Sync齊所有o野，不過E72呢個新版Mail for Exchange唔知點解Sync唔到Contact之餘，睇電郵只係睇到標題但係睇唔到內容(可能係Google問題啦，哈哈哈哈哈哈哈哈~~)。就呢個”情況”我o係Google(又係Google…)做o左好幾日Research，電郵收發可以直接用返E72內置o既Nokia Messaging係做返Push Gmail，至於Contact同行事曆可以同各位做個小分享去解決以上情況，順道同各位E72用戶講：唔使再o係Google Search “E72 Google Sync”，亦唔好再試Mail for Exchange連接Google Sync，睇我呢篇文就可以解決到你地既疑問。
Read more…
小弟近年比較少發開箱文，如有錯處請糾正 =)
老實講，我比較少接觸Nokia手機，如果真係要講有興趣試既有兩部，一部係Nokia N900(暫時未有本地行貨消息，不過睇eprice評測效果非常OK)，另一部係Nokia E系手機，因為身邊友人對E71評價都唔錯。今次小弟就借o左部岩岩先出o既E72返黎試一下。
好多E71用家對E72 First Impression係程式執行快左唔少，不過對E71用家來說更留意是Phone Jack又2.5mm改為普通耳機通用o既3.5mm。另外新增既有方向鍵中間既Navi光學鍵(類似touchpad)同500萬像素相機。
以商用機來說，對實體鍵盤及大量收發電郵有需求的話，E72係唔錯選擇。Nokia Messaging自早前推出不少Nokia用家都讚好，其實講穿o左就係一個Email Setup Wizard，入個電郵地址同密碼之後其它野幫你Set埋，減少End User唔少麻煩。(現時E72及E75係可以終身免費使用 Nokia Messaging ，其他Nokia手機使用有關服務之收費請向網絡商查詢。)
留意：
- E72 內置o既Mail for Exchange現時支援Google App唔太穩定，所以各位暫時可以當唔支援。如果要收發Gmail可以使用Nokia Messaging，至於同步Google Contacts可以參考呢個網站。
- 對於HTML電郵兼容有待改善。
Recent Comments