唔知點解，好多人好似好期待我再介紹劣食。坦白講，唔係我唔想，實情係: 唔好食o既有好多，要整到o的o野難食好難，難食到要推介就難上加難。不過小弟倒是有三個食飯經常中雷o既Case可以同各位分享下。
“信用卡優惠”
依家好多連鎖食店都會同信用卡公司定時定候搞o的”半價優惠套餐”，而最有趣係呢o的所謂半價餐通常同普通Set Dinner差唔多價甚至貴o左，講穿o左其實就係將個regular 餐加多些少貴夾唔飽然後話有半價，同o的boutique “話”件衫原價一皮特價一舊水有異曲同工之妙。當然我唔排除呢o的半價餐真係會食到好o野，記憶中N前o係盛八食過一個半價餐還可以，不過亦都試過o係新都會某越南菜食o左個最紅半價餐，我永遠都唔忘記o個幾”條”唔知煎定炸到黑色o既鴨胸，劣食講緊o的o野好難食，o個幾條o野劣食都不如，遠睇唔似鴨胸，近睇擺唔到落口，真係唔係人食。
“廚師推介”
美其名係推介，其實係推貴貨，又或者推死貨。有時落到o的食海鮮o既中菜館，Waiter 都會笑笑口同你講今日o的乜乜海鮮有幾新鮮，當你話唔要o既時候，就好似一個領隊帶住班落紅磡珠寶店無幫襯o既自由行一樣，塊面梗係黑過奧巴馬啦。話說N年前去過勁大盒某間乜乜小籠包，問個waiter有咩推介，就係咁樣舊幾水食o左個勁乾粉絲，無乜海鮮o既海鮮煲。因為以上兩個Case，自始我幾唔想揀，都盡量prefer散叫，寧願亂叫都唔order set(當然仲有個好處係散叫多數唔會整定，好似以前o係麥記叫魚柳包走醬咁，包無整定)。
“豪裝餐廳”
以往本地一般平民餐館都係實而不華為主，但係唔知由幾時開始，好多餐館都係越裝越豪，連麥記依家都差唔多要每年換一次Look。其實豪裝本身唔係問題，好食就得啦，問題正正就係o的o野唔好食。好o既食店應該係諗點樣做好o的食物吸引食客，但係依家好多食店都係靠門面，完全係本末倒置，我真心覺得呢o的外表豪裝內裡劣食o既餐廳擺明係想掛羊頭賣狗肉。
前排去過黃埔某間昆蟲店食個二人餐，講緊人均消費都要一舊水，唔係Cheap o野黎。之但係食物真係hea到唔識形容，肉醬粟米片真係求其搵幾塊粟米片加幾滴肉醬落去就算。唔係想吹毛求疵，但呢間o野真係hea得很，旁邊有對男女Order o左個薄荷乜乜扒，個男o既問waitress o的薄荷o係邊，個waitress答: 我依加拎俾你。個問題係你個main course 有個咁o既名堂點會expect o的o野係後加? 最慘係我見到有對老夫婦，o係度左揀右揀，問個waiter有無得叫信用卡個半價餐，原來佢地係為o左用o個張食滿一舊水先減到廿蚊o既coupon先黎食。呢個故事話俾各位知: 便宜莫貪。
說到我愛吃的，唔少朋友應該會聯想到酸辣粉。是的，我是傷心酸辣粉常客，差不多每星期都食一次，進食次數之密令我知道他們在八月到九月期間的薯粉跟以往的有所不同，口感比較差，還好現在”回復正常”。Anyway，要吃份量多，味道夠酸夠辣，還是去總店，唔知自己吃到甚麼程度的辣最好叫BB辣。
對我來說食酸辣粉就好像上班族在辦公時間就到公司樓下打邊爐一樣，過過口癮，抖抖氣而已。再者傷心酸辣粉到零晨點半才關門，十分適合我這種夜鬼去食宵夜 (酸辣粉不太適合當正餐)。作為愛吃辣的人，究竟未有傷心酸辣粉之前是吃甚麼呢？如果兩年前已經有睇小弟的Blog，應該會知道以往我是聯記常客。
聯記跟傷心的辣是兩種截然不同的味蕾感受， 前者是麻辣，後者是酸辣。當初吃聯記的雞絲涼麵跟涼粉是十分過癮的，夠麻又夠辣。儘管樣樣菜式都是同一種辣味，但吃完舌頭之麻痺感對好辣之人來說確是十分過癮的。對聯記的狂熱更驅使我替它們在Facebook開了個Fan Page。不過自從老闆失縱換了人做菜後，水準的確差了不少，連主打的雞絲涼麵也有失準， 我亦自此少去了繼而多幫襯了傷心酸辣粉。
上星期到了紅磡，碰巧聯記未關門，老闆繼續失縱，鋪面由一班後生變了個阿叔，我買了一盒豬耳涼粉回家吃。無論在電視節目還是專欄，蔡瀾對聯記的涼粉都是有讚無彈。起初對此不以為然，後來多吃過幾家的涼粉就明白聯記涼粉優勝之處。其實該道菜式主要是吃辣汁跟涼粉的質感，如果多了”粉味”就會怪怪的，而聯記的涼粉正正就是少了這種味，暫時還未吃過比這家更好的。
下回試吃其他的再跟各位報告一下。
麻辣貼士：食完聯記建議各位找些熱食(當然是不辣的，糖水亦可)中和一下以免翌日大屙一場。
串燒好多人都愛吃，不過要食得飽通常都所費不菲(相對啦)。以前青衣長發村巴士站對出有個阿婆o係街邊整炭燒串燒，到依家為止仍然係小弟食過最大份最抵食既串燒，可惜自從領匯重整商場後趕絕左車仔檔，呢檔阿婆串燒絕跡人間。講返o的”尚存人間”既，近期小弟食過四間串燒都唔錯可以為各位推介。
1) 華記小食 – 位於尖咀寶勒巷分叉位既華記小食，串燒水準Keep到，兼且係四間當中整得最快，岩我呢o的EQ低既人。友人最鍾意o係度買完落附近酒吧開餐，而我就鍾意呢度既秋刀魚同埋佢個沙嗲底，算係比較突出。
在較大的地圖上查看NetBugs 美食版圖
2) 和味 – 對正西九龍中心正門，過左十一二點可以坐o係出面食，呢度最出名係燒原條茄子，小弟試過的確一流，至於其他食物就一般啦(主要問題係份量激少)。留意多人既時候可能要等兩三個字。還有就係，食酸辣粉最好過返隔離街傷心食….
在較大的地圖上查看NetBugs 美食版圖
3) 棟篤食 – 呢度既棟篤脆雞同串燒都唔錯，最特別係串燒個沙嗲汁，唔只有花生味，仲真係有粒粒花生，小弟都係第一次見識咁既醬。
在較大的地圖上查看NetBugs 美食版圖
4) 美食佳 – 呢間o係紅磡既串燒車仔麵小店算係區內奇葩，零晨三點去到o的檯檯凳凳霸晒成條街咁濟，原因好簡單：平。兩個人食串燒埋單HK$80一找可以飽既算係咁啦。
在較大的地圖上查看NetBugs 美食版圖
除左食辣，小弟亦特別鍾愛泰菜(其實都係食辣 XD)。如果話干炒牛河係茶餐廳既代表，咁菠蘿焗飯應該係泰菜既代表。細個o個陣第一次食覺得好新奇，因為o的飯真係用原個菠蘿載住。不過食到今時今日我一直都有個疑問：究竟個菠蘿係咪Second Hand？
近年泰國菜館好似少左用原個菠蘿，就算有原個菠蘿載住食落除左菠蘿粒個飯真係無咩菠蘿味。有時食到差唔多都會搵筷子篤下個底 – 硬過石頭，有點懷疑究竟個菠蘿係咪re-use？所以為左下家著想我食完通常都會破壞個菠蘿以免有下手接貨。
今日去左間泰菜館食菠蘿焗飯，因為個飯帶有好強菠蘿香味，所以心血來潮試下挖舊菠蘿出黎食。雖然我仍然覺得二手菠蘿呢個Urban Legend係真既，但至少呢間我食個個菠蘿底，應該係Brand New既!!
泰豐泰國菜館
電話： 23343271
地址： 紅磡黃埔民泰街
Openrice
在較大的地圖上查看NetBugs 美食版圖
Recent Comments