同好多海鮮酒家一樣，門面有好多蟹係度游水 XD

門面(右面唔係牆，係電動木趟門)

從Openrice參考呢間o野o既人均消費，晚飯最少要四位數字，肯定係高檔o野。不過由軒尼詩道行入譚臣道，由街頭行到街尾，經過o既食肆都係十分平民(其中一間係月頭關門o既昌記，據講咖喱好抵食)，實在不得不懷疑自己係咪行錯路，還好走到街尾Last一間終於見到。

打開Menu，彷彿就好似去o左旅行社渣住張東南亞三日兩夜leaflet咁，因為我預計到，埋單條數應該真係可以o係台灣渡過兩日三夜，而最後呢兩日三夜，o係呢個空間竟然可以轉化為一餐晚飯，果然係marvelous。

蟹膳有三種蟹你揀，毛蟹，松葉蟹同鱈場蟹。正當諗緊食邊個set之際，waitress話不如食毛蟹松葉蟹個set，因為鱈場蟹個set好大份，通常客人會食唔曬，我二話不說就Order o左鱈場蟹個set，原因有二：1) 俾得有返咁上下錢梗係食大份 2) 經驗之中通常越貴o既o野就會越細份，我唔係好信會食唔晒。

豆腐前菜

燒鱈場蟹腳 - 食完好似去o左蟹道樂咁.....

蟹天婦羅 - 其中有舊係蛋黃黎，咬落去會爆蛋黃槳，請恕小弟大鄉里，第一次試。食到呢到已經飽飽地。(留意：相中其係一份，二人餐有兩份，之前豆腐同燒蟹腳都係)

蟹火鍋，見到真係呆o左，waitress姐姐無老吹，真係好很大份。

蟹粥 - 睇住waitress將蟹殼上面o的糕倒落個湯度煮個粥出黎，味道無得彈，問題係當時已經飽凸。食係有食晒，不過已經無晒享受個mood(認真折墮)

蟹膳由門面到食物以至服務真係無乜可以挑剔，價錢貴就擺明車馬喇，值唔值得真係見仁見智，阿Q o的睇佢就真係幫你慳到程飛機唔駛去日本都食到咁有水準o既蟹宴。o個晚我同女友飽到真係行唔郁咁濟，如果各位四個人去的話不妨問下佢個二人餐可唔可以四個人share，咁樣我諗會make sense o的。開講有話，小食多滋味麻。而我地食到係真係要打包，可想而知有幾抵食 (咁都總好過俾o左成K唔知食過咩o既)。

後記：

以上介紹係”好食”，但絕對稱不上”豪食”。咁乜o野叫做”豪”呀？誠哥買10000呎屋有10000呎，呢o的唔係叫做”豪”，係叫做”應該”。你買1000呎屋，得500呎，咁就叫”豪”喇，因為你真係”豪”o左五百呎俾地產商。根據非正式統計，香港係全銀河系最多富豪o既人，而佢地住o既都係”豪宅”。簡而言之，豪o既真締並唔係在於你洗o左幾多，而係在於你收返幾多，收得越少代表你越豪。你跌o左張一百蚊紙落地，你會執返，誠哥跌o左張一百蚊紙落地，佢唔會執。咁你明白點解自己永遠都做唔到李嘉誠未？

小弟咁岩前排就食o左我人生其中一餐最豪o既 –  一碗淨牛腩，盛惠HK$78!! 真係發夢都無諗過可以咁貴，呢個故事話俾各位聽，Menu無o既o野最好問清楚價錢先叫，尤其好似o係尖咀諾士佛台斜路台灣o野隔離o個o的鋪頭。食蟹好豪咩？真係唔食過，你永遠都唔會知原來最豪係食一碗淨牛腩!!

有圖有真相!

淨牛腩 - 老闆積極嚮應"有營食肆""少肉多菜"大原則，碗淨牛腩個底生菜多向左走向右走到呢....

幾年前友人小熊告訴要帶我到尖沙咀食韓國菜，當時才知道原來一整條金巴利街都是韓國食店跟超市。我們進入了全條街最”Up Dup”的一家小店，那是我第一次初嘗韓國料理。由於店主不太懂聽中文，點菜都是先看Menu，然後抄寫菜式旁邊的號碼落紙仔。這裡沒有花巧的韓國菜，只有地道的家常菜式。小店的泡菜酸籮蔔都是自家醃的，印象最深是他們的韓式炸醬麵跟炒豬腸，還有那家店的伯伯。然而我們語言不通，但他總是保持笑容，這份笑容令我所感受不單止是一道又一道的韓國地道菜式，還有伯伯對韓國的情。以上所介紹的正正是現時金巴利街當紅的韓國食店”漢城”的前身。

據了解，因為伯伯返回了老家韓國，”漢城美食”由另一人接手，並且租了鄰鋪將細鋪變大鋪，然後豪裝一輪變身成今天的”漢城” (Openrice仍然有”漢城美食”舊貌的相片)。新店沒有了伯伯，亦失去了我所愛的兩個菜式的原味。到現在我還是吃不到跟那時一樣的炸醬麵，豬腸更加是不見了。自此很少機會吃韓國菜，直至上星期渣車兜錯路，誤打誤撞找到這家”純子餐廳”。

純子餐廳位於灣仔警署內街(謝斐道)隔離，店面不算大，假日最好問一問可否訂檯。相對”漢城”之下，”純子餐廳”菜式比較多樣化。那晚二人用餐埋單接緊要四百大元。以食材成本計，韓國料理其實略貴，主因相信是因為韓國料理未有如日本料理一樣普及，但收費還是在可接受範圍，最重要還是食得開心滿足。

用餐預設一定有的七小碟，不少人吃韓國料理為的就是吃這幾碟前菜。七小碟不是每次都一樣，但泡菜一定有，其中甜乾魚仔好像相對其他的特別好吃，吃光還可以refill!!

生牛肉沙律 – 吃過兩次，這次略甜，甜得像吃甜品一樣，但還可以接受。

燒牛肋骨：十分有水準，推介!

辣什景冷麵 – 配上酸汁，很醒胃

店內環境：電視一直在播 KBS World，兩次來看到的都是韓劇，兩套韓劇看似都是悲情片…….

今次介紹既四姐川菜係位於灣仔一棟住宅大廈內，地下要先禁鐘上去。因為當晚比較多人老闆安排我地坐一間細房，其實應該係佢地”住處”，名符其實”私房菜”。”四姐”收費係定額位位HK$200的，點到幾多菜就視乎有幾多人，越多人去點既菜當然越多，小弟比較大鄉里，唔多知道係咪通常私房菜都係咁收費。如果真係要比同聯記比，我覺得”四姐”有一樣十分重要既優勝之處，就係每道菜既味道都有所不同，食得辣既人都知道好多店都有個通病就係辣得好食，但係道道菜都係一個辣味，”四姐”辣菜都算係味道多樣化(其實佢地有唔辣既菜)，這是小弟十分欣賞的。小弟特別推介有四川涼麵，辣得來有少少酸，相當開胃。另外有水煮魚，夠滑夠辣仲要夠多!! 話說原本係一行四人但係有一個遲左成個鐘先到，佢黎到其實我地三人都食到七七八八，我地叫多左個涼麵同水煮魚，老闆特登再送多個碟菜同青瓜，水煮魚份量仲要加大，原本差唔多飽既我地直情係飽上加飽，抵食!!

基本上呢餐係食得飽滿有餘，自問盆水煮魚都食左幾多，但係最後都要打包，仲要分三個發泡膠盒載。建議有返四五個人以上先好上去食，記住要先訂位。

地址：灣仔駱克道285-291號高華大廈2/F
電話：28022250
Openrice

在較大的地圖上查看NetBugs 美食版圖