創與作

NetBugs — Thu, 10 Dec 2009 10:44:37 +0000

近日在台灣，很多輿論都在談”新聞創作”，講緊係壹傳媒既”動新聞”，內容繪形繪聲，有晒剪接對白鏡頭角頭，連美國紐約時報都談及動新聞。其實”新聞創作”在台灣已經唔係第一次聽到，好似台灣總統大選，各大電視新聞頻道為求爭取收視率(香港電視最大市場係師奶劇，台灣電視最大市場就係新聞台)，明明選委會點左10%票，佢地既即時報票可以”計”到20%甚至更多票出黎，只要唔吹大過雙方票數一定百份比，明明係A贏都可以”暫時”講到係B贏，如果無記錯呢個情況係再對上一屆選舉已經有發生過。近期最新聽到既”新聞創作”係，記者走落條街然後打返上電視台話自己o係法國做緊現場報導，過多陣再打上電視台話自己o係美國……呢個世界真係乜都有。所以我一直都係認為，o係資訊爆炸既年代，信自己先係First Priority。

Click here to view the embedded video.

講到”創作”，不能不讚揚內地廣告發展，其中我地睇得最多可能係不同既”iPhone”廣告，今次為大家介紹係大家熟悉既內地家電品牌創維既miphone，我發覺得咁多山寨iPhone廣告都有一個共通點 – 廣告裡面既Screen Capture都係用真iPhone。Anyway，記住由頭睇到尾，有野送!!

內地令人驚奇既廣告又豈只一個，這段廣告比Cyril Takayama 變漢堡包更神!

Click here to view the embedded video.

Last but not least，近期網絡爆紅的，我認係地球有史以來最假既廣告。

Click here to view the embedded video.

有時很好奇，為什麼內地好像對這些廣告沒有監管，不過我更欣賞的是內地網民懂得苦中作樂。

Click here to view the embedded video.

反面教材：昂平360

NetBugs — Tue, 25 Nov 2008 08:52:59 +0000

小弟其實都幾鍾意一個人旅行，我地成日講旅行散心，意思就係離開一個自己熟悉的地方，因為可以俾自己多一點空間，這個空間可以讓自己休息一下，也可以思考一下。幾乎每次去台灣都是住西門町，但最嚴惡也是西門町，好難想像搭了個多小時飛機台北的街頭上，走到阿宗麵線旁邊，十個人有廿個人也是說廣東話，全部都是自己友。天呀？咁同旺角有咩分別？所以去到捷運站，求其上，是旦落，唔跟旅遊書走先係最過癮。

我再對上一次去台北曾經見識過當時號稱穩定度最高的貓空纜車，無獨有偶貓空纜車開辦初期跟香港昂平纜車一樣問題多多，上個月貓空纜車的基座更因颱風關係被淘空4公尺，可能跟未做環評及水土保持計畫有關，問題比昂平纜車有過之而無不及。

幾個月前在台北時跟台灣朋友搭過貓空纜車，及後回來香港時再跟友人搭昂平纜車。可以肯定地說，纜車香港的比較舒適，風景更是大比數勝貓空纜車，因為由地面乘貓空纜車上到山上沿途其實沒有甚麼風景可言，只能影容貓空纜車是運輸工具。但昂平纜車由起點到終點都是一流風景，由世界第一機場到大佛都一覽無遺，名符其實觀光纜車。

但很可惜，昂平市集實在太沒特色，而沒特色這個特色也是香港的其中一個特色。每個商場都是Esprit，G2000，百佳，去任何地方最終買的吃的都是一樣，好聽一點就是方便，難聽一點就是：悶。昂平市集這個遠離繁囂的地方，食的是滿記，Starbucks，Eurogogo，我去葵芳新都會好了！我最大疑問是：點解優之良品都o係度？只能說港鐵公司浪費了昂平市集這個地方，香港商人思維是否只會諗點樣可以收最多租？不如拆鬼o左昂平市集起座APM o係度上蓋再起十座山頂豪宅好了。

在貓空山上，我看不到Starbucks，看不到大型連鎖店，只有一些名不經傳的店舖，坐在山邊，沒有香港山頂餐廳的香港夜境，但仍能遠望台北101，食店食物未必是甚麼美食，不過優閒的感覺足以滿足心靈，這樣說可能有點禪，還是要各位自己去體驗一下。期待貓空纜車重開

PS：黎緊市建局有機會重建士丹頓街，希望不要變成假保育，扮古蹟的東西出來。

To share what i see... » 台灣

創與作

反面教材：昂平360