曾經見過有台灣樂評人狠批五月天音樂了無新意，又有人話五月天”詞窮”，唔係潮起就潮落，無林夕咁詩情畫意。我o既感覺係：音樂呢o的o野可以好主觀，批評就晒氣啦。我就係鍾意五月天o既音樂，就係鍾意五月天o既歌詞簡單直接，佢地o既歌就係感動到我，吹咩？
好多人都係由瘋狂世界，溫柔，志明與春嬌等等經典開始鍾意五月天，我可能比較另類。o係2000年前，香港仲可以免費睇到o既ChannelV成日播”心中無別人”MV，當時覺得”打鼓節奏都幾得意喎”，就係咁樣一路聽五月天聽到今日。每一個年代o既人都有代表或者屬於自己o既歌，當我感到低落o既時候，係”人生海海”話我知快樂應該由自己決定。當我一直為自己認為對的事而感到絕望時，係”倔強”話我知”就算失望，不能絕望”。就是五月天的音樂，帶我走過這十年的人生。
2006年係五月天的第一次紅館演唱會，亦係我人生第一次睇五月天演唱會，結果就係同年我特登走去台北睇多次。記得有一年演唱會，阿信唱了牙關同知足，然後陳綺貞出來，唱了”旅行的意義”。聽了這”催淚三部曲”，真的差點要哭出來了。
前兩天是連續第五年看五月天演唱會，五迷仍然熱情，無論慢歌快歌，無論是第一行的五迷或是最後一行的五迷，我們都是站著看，彷彿紅館只有企位。看畢兩場演唱會後，到寫Blog的現在我還在耳鳴，但我仍然享受在五迷群中聽五月天的歌，更難忘是在尾場看到的非一般藍海。
追夢，從來不是有多難，而是我們有多想。
Wake Up and Dream On.
PS: 如果要彈演唱會的話，就是要彈大會賣的官方螢光棒，為什麼可以暗得那麼可憐？既然是官方賣的就算比不上旁邊阿姐賣的都不要差那麼多吧 ?
總所周知我係五月天頭號歌迷，由”心中無別人”年代開始已經鍾意佢地o的歌。我第一次睇佢地o既現場演出正正就係佢地第一次o係紅館開演唱會(BenQ贊助o個一年)，當時先發現，原來聽十萬次Live CD都不及聽一次現場演出震撼，而及後”睇五月天演唱會”已經成為我每年五月定必參與o既活動。我會歸納五月天歌迷有三大特點：
1）普通話唔會太差(唔係點聽呀大佬?!)
2) 有錢(演唱會飛比一般港台歌手貴一截，Stayreal個個月有新款，演唱會年年有新Tee)
3) 歌迷係癲o既
記得我o係紅館第一次睇完五月天當晚覺得意尤未盡，過左幾o個月去o左台北小巨蛋”睇多次”。係咪好癲？未算。有一年o係紅館o既尾場演唱會，五月天唱完最後一首歌，成班五迷”賴死唔走”，當時場館已經開晒燈，又嗌Encore，又唱歌，又玩人浪，玩足半粒鐘，雖然最後五月天五子都無出返黎，但係呢件事足以證明：我地係癲o既!!
去世博睇中國館之前要搶預約票，同樣每年睇五月天之前我地一樣要搶演唱會飛，仲要一定睇最前最貴。坦白講，我以前對睇唔睇到尾場無乜所謂，但自從睇過今年陳奕迅之後，有o左DUO陰影，唔睇尾場唔得喇(尾場唱多o左成粒鐘)! 今年五月天”尾場”由29號加到30號，30號加到31號(在此特別鳴謝朱咪咪六月一號o係紅館開演唱會，否則我可能要追多場)，五迷都用盡不同方法去搶飛，而我最不滿就係大會公開售票安排。
賣終極尾場飛(31/5)o既當日，o的飛唔夠一個鐘已經賣晒咁濟，我見好多人o係Newsgroup話排o左成朝但係買返黎o既位都唔理想，最慘係有人買都買唔到。但慘還慘，香港人係崇尚排隊，認同First Come First Serve，買唔到只能怨自己清晨五點未落到通利排隊。點知賣飛之後o既第二日，第三日，第四日，不斷有On Hold o既飛放返出城市電腦售票網賣，o的位重要靚過第一日公開發售o既，有無搞錯？
如果大會想打擊黃牛，恭喜你們，你地取得大成功了! 但你地有無諗過o個班排到死死下o既歌迷o既感受？”買票只為支持，欣賞到五月天已經足夠”，呢o的說話係五迷同五迷講，唔係你地講。我見有五迷怕旺區通利多人一早唔知搭咩車走入博覽館…….o個個比機場仲要遠o既博覽館，最後買到o既飛比今日Walkin去通利買o既位置仲要差，真係點講都唔通。希望大會可以將心比己，好好諗下來年可以點樣做好o的。黃牛係要打擊，但絕對唔係用損害歌迷o既方法做。
最後希望今年一如以往的，五月天可以有精彩o既演出，五迷繼續盡情High and Jump!!
Recent Comments