To share what i see…

上星期Boxing Day深夜，偶然打開電視機，無記在播”在世界中心呼喚愛”，由於友人們怕會睇到訓著所以轉台睇亞視，當時亞視播的是”我愛一碌葛”，大家對於這套由鄭中基，小雪， 李麗珍，梁漢文等So Call大卡士有份參演的電影十分好奇，因為好像從來未有聽過有這部零二年製作的存在，不過令大家更好奇的是及後播的電影”鬼才龍虎榜”。

片中有兩段戲我印像特別深，一段是市民問警察：警察係咪應該照顧下我地呢o的納稅人？警察答：其實我都係納稅人，咁邊個照顧我？另一段是食客問侍應：o的飯咁硬o既？侍應答：係咁架喇，咁唔滿意拎返屋企煲粥啦! 實在很難想像今時今日的電影或者電視劇可以有這樣的對白。今時今日拍電影要照顧內地市場，拍電視劇要顧及別人感受，警察一定盡忠職守，侍應一定要有禮貌，政治正確到不堪。當對白有”仆街”兩個字已經要被衛道之士捱轟的時候，現今電影或者電視人創作空間其實比那齣1979年的作品還要少。說到這裡，實在不得不提霑叔其中一經典作品 -- 不文騷。

要說道德低點，90年代頭由陳奧圖(即高志森)執導的不文騷絕對比王晶拍的屎尿屁電影有過之而無不及，個人認為該片比美國惡搞Jackass更賤更過火。”不文騷”以霑叔與黃光亮所做的成人節目作為故事主線，戲中橋段低俗到不堪，要淫賤有淫賤，要無厘頭有無厘頭，粗口之多應該未有港產片可以匹敵，如果沒有道德包伏的觀眾應該可以捧腹大笑。在此我不談電影Spoiler，以免削弱各位對該片之驚喜。相信不少觀眾如果今天回看該片仍會感到新鮮，因為片內的黃色笑話跟粗口在現今的港產電影難以找到，我的問題是：為何今天香港拍不到這樣的電影？

有人話這是因為現在香港人比以往有教養，有文化，我120%不同意。我並不覺得講粗口的人比以前少，但可以肯定道德塔利班比以往多。我不是認為各位以後說話前後都要”問候人娘親”才是開明，不過秋天的童話說了一句”仆街”就要被捱轟未免有點兒那個吧？現實與電影的落差只是凸顯社會的虛偽。

http://www.tudou.com/programs/view/xsyss3X8K0g/

未及Harry Potter那樣萬眾期待，但Disney早一年已經舖天蓋地宣傳，用三億美金打造的聖誕檔期大片”Tron Legacy”終於在香港上畫。小弟在昨晚剛開畫已經急不及待入場觀看IMAX 3D版。

Tron Legacy源於1982年的Tron，初頭以為Tron Legacy是重拍，原來是廿八年前那套的續集。選擇以續集形式延續廿八年前的”Tron”應該是因為故事背景的關係，Tron講述的是主角從遊戲機走入電子虛擬世界，如果今時今日要重拍這個情景的話說服力可能比較低，相反用”重回Tron”的舖排說服力比較強(男主角的父親就是廿八年前Tron的男主角)。

1982年Tron的出現，對Matrix，Inception等電影的”電子虛擬世界觀”有著重要影響。Tron Legacy CG技術當然比廿八年前進步了不少，但那個”電子虛擬世界觀”基本上是一樣的。如果有睇過廿八年前那套”第一集”的話，不難發現Tron Legacy有不少場景以至對白都有上集的影子，這個是要讚的地方，因為電影十分忠於第一集去作出延伸，並未有太多加鹽加醋，不過這亦可能是電影其中未能大賣的一敗筆。我相信當年觀眾看Tron，男主角走進虛擬世界那刻是萬分震憾的， 就算今天再看也難以想像廿八年前的電影班底如何創作。不過看Matrix Inception的這一代觀眾，Tron Legacy的虛擬世界實在不怎麼樣，這應該就是IMDB評分落差這麼大的原因。

據了解，CG技術佔了該片極多成本，的確，看那些”光管”效果的確不俗，最勁的CG我相信指的是那架”電單車”的出場方式(Trailer看到的)，如果Trailer沒有提及我相信會比較震憾，現在少了一份驚喜。個人對那些CG的感覺是，整套電影都在看兩隻色，像在看另類黑白片似的。整體而言我覺得可以入場一看，IMAX亦還可，至於3D，我不肯定是自己對眼有問題還是其他問題，除了IMAX 跟Disney的開場，整套電影也沒有給我3D的感覺。

看過Matrix, Inception跟Tron Legacy後，虛擬世界給我印象都是………..打打殺殺的說。Anyway，昨晚看完Tron Legacy回家後在talkonly論壇看到有聽眾Post了以下短片，同樣是虛擬世界，一套是Disney三億美金打造，一套是大學生習作，不公平比較地說，後者更Impressive!

是晚放工將近九點半，回家吃完飯已經是晚上十時有多。其實已經”支力”到不行，但此時此刻仍然想為各位推介一部十分出色的記錄片 -- 海豚灣 (The Cove)。

先不要給”記錄片”三字嚇怕，我絕對明白要香港人俾錢入戲院看記錄片是一件匪疑所思的事情，當然我亦不會因為”海豚灣”於今屆奧斯卡奪得最佳記錄片而說服各位入場。海豚灣之能夠令觀眾印像深刻是導演以電影方式去記錄一件正在發生的真人真事，我不知道這種拍攝難度有多高，但我相信這樣的記錄片絕對是鮮有出現的，其電影感比很多電影還要強。從電影觀眾角度看這部記錄片比近期很多電影還要精彩的，可惜這不是一部電影。

這是一部記錄片，說的是一件真人真事的慘劇，但願有更多觀眾可以入場了解這回事。導演的拍攝手法的確高明，但我不會說這是一部精彩的記錄片，因為我相信導演也不會因為拍攝到這樣的慘劇而感到高興。正如我相信消防員不會渴望去救火一樣。對我來說，這部電影未必會影響我去海洋公園的意欲，但自此我應該不會再看海洋劇場吧。

說這是遲來的推介是因為”海豚灣”已經在港上演了好一段時間，趁現在電影中心跟IFC還未落畫小弟誠意推介各位入場一看。  (這部記錄片敘事方式跟足電影，連結尾也如是，入場觀眾請看畢Credit才離開)

小弟寫影評一向都係寫side邊事多過影評本身，今次寫”復仇者之死”亦不例外，先談談Juno。

大家對Juno 的認識應該是由”愛上殺手”開始，當時大家對他的印像離不開係典型富二代，唔靠父蔭”咁o既樣”無可能做到歌手之類。而我自己甚為欣賞Juno 的慢歌，尤其踏入Silly Thing年代的Juno，Jerald搭Juno已經成為品質保證，時至今日，Juno的音樂越來越受樂迷認同，有人話佢所做之音樂都是靠錢堆砌出來，而我認為有錢並不代表可以做到好音樂，不能因而抹殺Juno對音樂的努力，而他的努力亦成功擺脫其富二代標籤。今天回看Juno於K場必點之作”耿耿於懷”MV，再看吳日言”扯線風箏”MV，小弟覺得Juno絕對稱得上有錢，有心，有力的藝人。自”愛上殺手”後，基本上Juno出品無幾可會”出事”，所以今次首次擔正電影主角小弟二話不說星期四就入場觀看。

因為蒼井空，”復仇者之死”在未上畫前已經是話題作。不過其實她在戲中只算是大茄，未上映前傳媒提及過”空姐”的那場戲其實只有幾秒遠鏡，如果閣下是為了”看”蒼井空而入場，恐怕你會呻笨，因此我強烈建議你千萬不要入場。說到Juno的表現，其實未入場已經覺得這類”變態”角色實在十分適合由Juno演繹，及後才知道”復仇者之死”乃Juno的原創故事，從這個角度看Juno的演出很難不稱職吧？

“復仇者之死”表達的是復仇，是人性陰暗面，畫面是做到了，而且相當出色，雖然沒有維多利亞一號的”華麗血肉”，但仍叫人心寒。可是故事過於薄弱，令電影略有點不足之處。話雖如此，小弟仍然十分欣賞”復仇者之死”這齣電影。近年實在太多電影以”華麗血肉”大量CG跟特技去帶出驚慄劇情，不過其實有時最震憾的未必要甚麼CG特技，要震憾的有鬼眼跟SAW1的Ending，要心寒的有剛落畫的告白，”復仇者之死”當然未能跟那些片相題並論，不過絕對有這樣的特質。我不會說導演黃精甫為Juno的原創故事有所補足，但毫無疑問他倆的合作產生了化學作用。

說起告白，我留意到電影宣傳海報以”比告白更具話題性”作為電影招來。純粹個人感覺：”復仇者之死”那麼有Juno的格調，用這樣宣傳語句未免有點”低級”吧?

呢個時代o既主導思想，就係陰謀論。而呢個世界一切事物不外乎”利益”兩個字，你有咩利益就決定你用咩立場，你係咩立場就決定你用咩答案。明白陰謀論，你一生人可以慳返好多精力，更會看破一切。好多野你唔會再拗撬，因為拗黎都多餘。你唔同利益立場，睇同一樣野都會變得好唔同。

以上係黃子華o係”兒童不宜”棟篤笑後段提出o既理論，透過呢個理論佢帶出一個疑問：呢個世界有無o野係無拗撬？臨尾佢舉o左一個例子作為佢個棟篤笑o既Happy Ending -- 黃子華認為Bill Gates同畢菲特捐一半身家出黎係一件好事，而呢件事係人所共識，無拗撬。十分抱歉，佢呢個Happy Ending俾我個朋友打破o左。

因為友人覺得Bill Gates同畢菲特做捐錢呢件所謂好事只係為o左形象從而賺更多o既錢，係陰謀黎。既然捐身家都係陰謀，咁世界和平應該無拗撬喇卦？又唔係喎，你睇下金生金太，你睇下拉登，真係有人唔想呢個世界太和平架。當捐身家，世界和平都有拗撬o既時候，呢個世界係咪真係無o野係有一致共識呢？我近期終於發現o左有一樣，就係爛片。

我講緊梗係title mention o個套天凶之城”Skyline”啦。呢套戲唔單只係全城鬧爆，直頭係全球鬧爆，無論睇Newsgroup，到HKMovie網友影評都係一致喪插，連IMDB都係得4.6分 (To be fair，兩年前香港上o個套”搞乜鬼咁多災爛片”仲低份過Skyline，得1.7分，從數學角度黎講Skyline已經好睇過佢兩倍有多!)。為o左求證小弟係咪真係發現到自盤古初開以黎人類第一個完全無拗撬o既共識，剛過去o既星期三我懷住睇世紀災爛片o既心情入場，真心講，興奮過睇清明上河圖!!!

睇完之後，唔知係咪我本身真係零期望，甚至係負期望，睇落我覺得OK喎! 有o的位仲拍得幾有橋，如果當笑片睇的話呢套戲真係唔錯(其中有o的笑位拍得好AvP，岩岩經IMDB查返原來導演真係有拍過AvP續集)，加上用3Screen睇，以唔駛錢黎講睇Skyline可以定義為一種娛樂。要話呢套Skyline爛片，唔好意思我實在不感苟同。我入場睇Skyline本身就係諗住睇爛片，對我黎講Skyline真係令我十分失望，因為珠玉在前，由大導演陳木勝執導，國際巨星郭富城主演o既”全城戒備”爛o既程度實在高Skyline十九幾班。幾個月前我同女友去睇”全城戒備”，佢o的粗口長過幅清明上河圖，今次睇Skyline佢一句說話都無講過，睇到某o的位仲要笑得出。郭富城一招雙刀Sunny已經秒殺o左呢套所謂荷里活爛片，誰說港產電影沒落？

講返轉頭，既然NetBugs你講到咁OK，點解咁多人喪插？原因好簡單 -- Expectation，所有關鍵在於觀點與角度。如果你諗住入場睇套好似”天煞”咁o既戲，我諗你帶”界”刀都覺得唔夠，要帶菜刀先得。而本地電影宣傳正正以”阿凡達”班底做招徠，仲要拉埋霍金落水，咁就梗係hi晒o野啦。我o係以往o既影評都講過，睇戲應該係期望越少，驚喜越大，否則期望越大，失望越大，呢個道理o係我睇完”強戰世界”就明白o左。今次我當Skyline係笑片咁睇，我俾75分架!! 可能你會問，咁點解你岩岩講o個套 “搞乜鬼咁多災爛片”IMDB得1.7分上畫o個陣好似無乜人小，呢個原因仲簡單，因為已經寫o左落個戲名度 -- 係”爛片”黎，原先英文戲名更明顯 -- Disaster Movie，戲名話到明俾你聽Disaster，咁都走去睇真係無得賴地硬。

Anyway，俾人圍插都總好過無人插，因為既然劣食o係香港咁有市場，爛片又點會無呢？Skyline除o左係本地開畫票房冠軍，憑口碑載道令佢做埋成個十一月份o既票房冠軍，問你死未？睇黎呢個世界真係無o野係無拗撬。

以下為Skyline必睇場口介紹，涉及電影內容，未睇而諗住入場o既朋友請留意!!
以下為Skyline必睇場口介紹，涉及電影內容，未睇而諗住入場o既朋友請留意!!
以下為Skyline必睇場口介紹，涉及電影內容，未睇而諗住入場o既朋友請留意!!
以下為Skyline必睇場口介紹，涉及電影內容，未睇而諗住入場o既朋友請留意!!
以下為Skyline必睇場口介紹，涉及電影內容，未睇而諗住入場o既朋友請留意!!

Read more…