幾年錢做腦場Sales賣電腦的時候，有位客人買了一套電腦散件，我跟客人說：不如加錢，我們替你組裝吧(組裝出機才有佣金)，客人答：砌機是我的興趣，怎可能俾錢你們去抹殺我的興趣？我為工作，可以忍氣吞聲。在這裡，是寫我所想，我對互聯網所帶給我的言論自由珍而重之，凌駕一切利益。

前陣之看到Twitter有人說：大家以為旺角那家扒房叫第尾牛扒，其實正確名稱是茅屋牛扒。事實上這個說法是錯的，那家扒房真的叫第尾牛扒(看這個，根據Google回來的資料，第尾牛扒名字由來跟”陳夢吉”"第尾才子”有關)，我曾經嘗試過在Twitter向其他人糾正過這個說法，但最後一直轉發的還是那個錯的訊息。在網上，真的都變假，假的都可以變真了，前陣子我便聽過一個從友人們之間相傳一個有關Social Media的故事。話說有一名網友為宣傳一件東東，製造了一個假事件，繼而創造了一單假新聞，而該新聞前陣子一直轉載至不同網站。無論這個故事是真是假，對我來說最震憾的不是假新聞本身，而是大家的反應。當眾人談及這個故事時，大家都在當笑話聽似的。有網友一直不白我經常說的”底線”是甚麼，而我亦從未對我所說的”底線”作明確表態，因為不同人對”底線”的接受程度各有不同，但我可以清楚地告訴各位：以上的故事以經超出了我的底線。

以往寫Blog的比較多私人性，像看一本個人日記似的，今時今日的Blog開始會有”主題”，甚至擔當一些傳統傳媒角色例於報導新聞或者出現了一些評論文章，甚至反過來傳統傳媒要參考網上媒體某些報導。讀者是Blogger，而Blogger反過來也是讀者，資訊一直在互相流通，這就是Social Networking。

傳媒一直掌管著行政，司法和立法三權以外的第四權力。但很可惜，本地大多傳媒都逐漸歸邊，網上言論空間乃最後一道防線。今天，大家可能還相信網上資訊多於傳統傳媒，但當大家對網上媒體的”假”不以為然，我怕將來大家會連對網上資訊的幾分信任度也失去，到時Social Networking究竟是否真的令人與人之間距離拉近？還是令人與人之間隔膜加厚？我所認為的只是簡單一句：懇請各位朋友，說你們所相信的，寫你們所相信的。

在聖經記載了一個為人熟識的故事，文士和法利賽人帶着一個行淫時被拿的婦人來打算用石頭打死她，耶穌向他們說：你們中間誰是沒有罪的，誰就可以先拿石頭打她。最後眾人未有打她就離開了。如果將這個故事換一換個背景做現代，眾人所拿的由石頭換作AK47，然後我換個方式向眾人說：你們中間覺得誰有罪的，就殺了他吧。最後眾人肯定死光，包括我。

我不是甚麼道德塔利班，搵食的還是要搵食，只是因為小弟不是靠Blog搵食所以才可以這麼大口氣說三道四(從這個角度看我的工作的確不俗，唔怕得罪Marketing無o野撈，亦唔怕鬧爆民建聯所以無工做)。如果未做過是很難感受到原來將一個毫無突破的Feature寫成很突破是一件極難的事情，諗得到都未必寫得出，學黃子華說的，人們經常把”過到自 己又過到人”輕輕帶過，其實最難正正是要過到自己又要過到人。

友人說過蘋果的iPhone霸權，不論這種說法大家同意與否，其實最好的辦法就是不用iPhone，就好像反對Ricky San買”日本一”可以罷吃板前板長，因為這樣才不會成為當中的持份者。同樣我不會將剛才自己所說的想法加諸於人，所以我選擇避免跟這些扯上關係成為持份者，當然每一件事都有其正反兩面，只是那個反面不幸地給我看到。

人愈來愈大，改變愈來愈多，就算人不變，社會也會變。有人會將這種改變形容為”現實”，亦有人會將這些改變用一個更冠冕堂皇的字眼去形容 – 長大，而我會將之形容為”複雜”。我認為人與人之間的關係其實可以好簡單，”長大”並不是一個藉口，說話不一定要那麼假，朋友不一定要小圈子。

後記

Steve Jobs在iPhone4的補鑊記者會中說電話不是完美，其實人又何嘗不是呢？

在”我的互聯網”的最後一篇，我想借此機會告訴各位讀者以至talkonly聽眾，過去一年我曾經在這個Blog做了一件事，而我從該事情當中有既得利益。這件事我反覆思考了好幾晚，當中條件實在並不妥當，對讀者以至talkonly聽眾亦不公平，對我來說違犯了我自己的一些原則。本人在此要向所有讀者以至talkonly聽眾致萬二分歉意。

有人可能對那件事可能不以為然，但對我來說是一個污點。亦因為這個原因，我決定回饋各方友好 – 本人將會送出二十套iPad Camera Connection Kit(不適用於最近兩個月曾參與talkonly者)。由於我仍然未購買足夠的Camera Kit(無錯，我是真金白銀買的，以上禮品不涉及任何贊助)，加上未有決定如何送出，因此我會待一星期後才公佈送出辦法。如果各位有任何好的送出辦法意見請留言，感謝。

有人可能覺得我這樣送禮做得太過，但我十分希望透過這件事讓各位Blogger在得到既得利益時明白，不論是Blogger或做人，也應該知道有所為，有所不為。但正如上文說過的，我不會將自己的想法加諸於人，各位可以當這純粹是有獎遊戲，希望各位可以滿意我所選擇的小禮物並能為各位帶來愉快的使用體驗。

我的互聯網由來

記得前陣子有一個星期六，我呆在公司覆工作，因為之前那晚talkonly做得很夜，那天其實有點發燒，所以覆覆下電郵在公司睡著了。到晚上，聽見SMS響聲，拿起了iPhone。一看，原來是Google Calendar提示，那刻才驚覺原來那晚我是訂了飛看舞台劇”小人國”，而那個Google提示是活動開始前半小時發出的，我連忙致電女友，當初她應該有點生氣說不來， 最後還是打的來了(最記得是打綠的原來是去不到葵芳，最後是打的到荃灣轉地鐵)，這個就是寫”我的互聯網”的原因。

我最怕女友的，是問我”記唔記得我同你講過XXX既YYY件事呀？因為前度曾經問過好幾次我答唔到，每次都嬲了我好一段時間。我想說，其實我不是無心裝載，而是我記性真的很差，而且是愈來愈差，還好女友對我這方面算是十二分體諒。以前我不用在Remember The Milk或者Google Calendar 記事，現在沒有記事的話完全不知道要做甚麼，可能真的老了吧？前陣子小學同學從記念冊找回我的聯絡，近期多出席了舊生聚會，席間聽到不少小學年代的事，甚至有人可以繪畫出小學六年班的座位表出來，而我….看著小學全體相也指不到自己出來。寫這幾篇”我的互聯網”目的，是想自己趁還記得這幾年發生過的事作個記錄，給互聯網一段無關痛癢的野史，或許十年後的我跟現在不盡相同，將來的事沒人知曉，但我深信，忠於自己才是快樂之道。

正所謂爹親娘親都不及李爸爸親，不知不覺李爸爸由各位出世之後，阿媽抱你出院o個一刻已經開始照顧你起居飲食。今天政府唔起公屋，唔起居屋，連大家可以買到平o野o既公屋商場都賣埋俾領匯。不過唔緊要，因為李爸爸o既百佳大把平o野賣，仲會幫你”日日賺”，好過買股票!! 李爸爸仲幫香港人o既品味增值，將百佳Upgrade做Taste，等大家買o野都買得有Taste o的。所以計我話，李爸爸出品，必屬堅料，死Network呢o的事係無可能o係3發生，我作為頭號粉絲有必要為3平反!!

首先，我認為返工放工搭地鐵上唔到網或者勁慢係十分應該o既，因為返工放工o個陣根本就唔應該上網，3十分明白都市人忙到連自己休息時間都照顧唔到，特登俾機會上班一族有休息時間，唔似得數碼通咁，返工o係地鐵係咁玩Facebook Twitter，返到公司仲邊有心機做o野呀大佬？仲有你地知唔知真正令人與人之間距離拉遠係乜？係電話呀!! 荃灣打黎旺角又搵到你，台灣打黎旺角又搵到你，你地有無諗過如果電話窒下窒下，成日斷線，雙方就會自自然然約埋o係間Starbucks慢慢傾，呢個先係真真正正令人與人之間距離拉近o既辦法。

如果大家都係唔信3係幫緊大家，我再舉一個親身見證跟各位分享。話說小弟上個月某個晚上用緊iPhone上網等緊五月天歌迷會網站九點正賣飛，正所謂冥冥中自有主宰，我相信3係知我已經買o左飛唔上我徙錢睇多場，特登踏正九點令我上唔到網，仲要岩岩好淨係o個幾分鐘上唔到。最後我慳返幾百蚊，你地話3係咪比任何一個台體貼先？但係班3用戶唔珍惜3俾佢地o既機會，仲要返過來投訴3，有無搞錯？

昨晚3網絡”升級”o個陣，我同女友食緊飯，我無得上Twitter，佢上唔到Openrice，試問各位有幾耐未試過呢種Internet in the dark o既體驗？科技發展使人懶惰，3再次喚起香港人o既勤奮精神，比起Google提倡樣樣都靠Search Engine更偉大!! 多謝3，I love you !!

1）普通話唔會太差(唔係點聽呀大佬?!)
2) 有錢(演唱會飛比一般港台歌手貴一截，Stayreal個個月有新款，演唱會年年有新Tee)
3) 歌迷係癲o既

記得我o係紅館第一次睇完五月天當晚覺得意尤未盡，過左幾o個月去o左台北小巨蛋”睇多次”。係咪好癲？未算。有一年o係紅館o既尾場演唱會，五月天唱完最後一首歌，成班五迷”賴死唔走”，當時場館已經開晒燈，又嗌Encore，又唱歌，又玩人浪，玩足半粒鐘，雖然最後五月天五子都無出返黎，但係呢件事足以證明：我地係癲o既!!

去世博睇中國館之前要搶預約票，同樣每年睇五月天之前我地一樣要搶演唱會飛，仲要一定睇最前最貴。坦白講，我以前對睇唔睇到尾場無乜所謂，但自從睇過今年陳奕迅之後，有o左DUO陰影，唔睇尾場唔得喇(尾場唱多o左成粒鐘)! 今年五月天”尾場”由29號加到30號，30號加到31號(在此特別鳴謝朱咪咪六月一號o係紅館開演唱會，否則我可能要追多場)，五迷都用盡不同方法去搶飛，而我最不滿就係大會公開售票安排。

賣終極尾場飛(31/5)o既當日，o的飛唔夠一個鐘已經賣晒咁濟，我見好多人o係Newsgroup話排o左成朝但係買返黎o既位都唔理想，最慘係有人買都買唔到。但慘還慘，香港人係崇尚排隊，認同First Come First Serve，買唔到只能怨自己清晨五點未落到通利排隊。點知賣飛之後o既第二日，第三日，第四日，不斷有On Hold o既飛放返出城市電腦售票網賣，o的位重要靚過第一日公開發售o既，有無搞錯？

如果大會想打擊黃牛，恭喜你們，你地取得大成功了! 但你地有無諗過o個班排到死死下o既歌迷o既感受？”買票只為支持，欣賞到五月天已經足夠”，呢o的說話係五迷同五迷講，唔係你地講。我見有五迷怕旺區通利多人一早唔知搭咩車走入博覽館…….o個個比機場仲要遠o既博覽館，最後買到o既飛比今日Walkin去通利買o既位置仲要差，真係點講都唔通。希望大會可以將心比己，好好諗下來年可以點樣做好o的。黃牛係要打擊，但絕對唔係用損害歌迷o既方法做。

最後希望今年一如以往的，五月天可以有精彩o既演出，五迷繼續盡情High and Jump!!

Click here to view the embedded video.

豆腐渣工程問題，真正解決辦法唔係去捐錢，係嚴懲貪官污吏，避免慘劇再發生。

有人覺得我言論傾向福利主義，要政府派錢。Sorry，我係極之反對派錢，試想想如果李超人今日同你講佢會將佢身家平均分配俾所有香港人，當人人都有幾百萬買樓o既時候，結果帶黎o既通漲災難遠被現在貧富懸殊問題恐佈。解決社會問題應該從最根本 – 讓市民有選擇權，改善現有畸型政治體系。

有人打去電台問風水，風水師同佢講：你今年有橫財運，買六合彩有機會中頭獎。

以上說話唔駛風水師，我同任何人講都唔會有錯，只要有買六合彩，任何人都一定”有機會”中頭獎，問題係你有無落馬會買今期六合彩？

投票真係會為社會帶來改變嗎？

今天，香港人唔駛好似伊拉克人民冒生命危險落票站，唔駛上刀山落油鑊，唔駛俾錢，只需要行落屋企樓下，可能只係一街之隔o既票站就可以投一個希望。投票未必改變到o的咩，不過唔投票o既話就一定改變唔到任何事。如過你選擇唔投票唔表態o既話，以後就唔好怨政府呢樣o個樣。

如果有人屈你買左十張百佳Coupon，Deadline係今日，而你明知無得退返錢，你會點做？俾著係我：我點都用o左o的Coupon先。

別拿我的荷包開玩笑
功能組別強姦立法會全紀錄

在此要為”港女”平反，要求男友有錢唔係港唔港女o既問題，其他地方唔敢講，住得o係香港真係有結婚打算o既每每講到將來都係錢，如果用更現實更刻薄o既講法係：呢度係無精神生活，無錢只能夠過精神病生活，香港女性想forsee一個幸福將來難度有錯嗎？

而小弟絕對有她所說的相反。無錯，我係一個無乜大志o既人，我工作不是求賺大錢，夠食已經心滿意足。就算唔識得我o既都應該知我夢想係開餐廳，講到呢個位通常朋友都會問：你想開乜o野類型餐廳先？我o既答案係：我想開一間串鋪!

記得早幾年有次去o左元朗人氣日本料理”田中”，朋友們呆企o左成粒幾鐘終於入到去。因為每檯限食45分鐘o既關係(留意呢間田中唔係食放題的)，我地一坐低就用極速九秒九Order食物。食物的確係唔錯，我地食到差唔多之際，友人見到隔離檯碟燒三文魚鰭好似好正，正當想落Order o既時候，個Waitress話：你地差唔多夠45分鐘喇喎!朋友答：我五分鐘食得晒(當時已經食o左40分鐘)，個Waitress再答：你五分鐘食到o者，我五分鐘燒唔到麻。呢間鋪絕對係串爆，但唔係我所講o既串鋪。

我所指o既串鋪唔係指服務差的鋪，係指o個o的”自主性”好高o既鋪。人地麥記為o左做多o的生意，由開十幾個鐘做到開足廿四個鐘，偏偏有o的鋪反其道而行，每日只開幾個鐘，一個月唔開一個星期(聯記)，落雨唔開(媽咪雞蛋仔)，心情差唔開，最吹漲係：咁做都未執，仲好好生意。我就係想做呢o的串鋪。

小弟家住青衣，上年在開飯無意中找到一家在青衣涌美的車仔麵檔，不過實在太遠(話就話青衣係個島，兩點距離其實可以好遠下)，最後無去到。後來幾個月前飲食男女介紹過呢間車仔麵檔，因此決定去拜會呢間華記小食店。上個月頭未去大阪之前上過去一次，拉左半閘，當時係兩點十(間野收三點)。月頭再去過，早o左十分鐘，今次無拉閘，不過已經收晒檯。上星期，我本住唔信邪o既精神再去過，今次終於食得到!!可能因為太晏去(佢地開上晝七點)，感覺有點似食緊佢地o的貨尾，味道係正常， 不過未去到要特登上去食o既地步，但總算可以一償心願。

1)最好十二點左右到，話就話收三點，過o左兩點可能已Close。2)逢星期一唔開，就算唔係星期一去都最好打去問o左有無開先好去，唔係去到摸門釘唔好怪我。3)  睇清楚路牌，因為間鋪o係幾入下。

華記小食店
電話： 24360710
地址： 青衣涌美老屋村90號地下

檢視較大的地圖

好多人覺得因為我食得多，所以食得奄尖。非也，其實我覺得最重要係食得Make Sense，有返咁上下貴的話有要求係相當合理，反之食Cheap野當然無得要求多多。但係我份人比較老土，我接受唔到油渣麵加火腿加豬頸肉，油渣麵精髓就係在於夠Cheap，加埋o的咁”高級”o既餸咁不如換埋蕃茄湯底同黑豚肉啦。

昨日Happy Sunday訓到下晝三點，懶洋洋起身然後四點行樂青怡鳳城食個車仔麵，唔駛趕頭趕命，廿蚊三個餸，大大碗車仔麵，蘿蔔大份到好似食o左半碗飯。其實食車仔麵都係求方便，講價錢o者，如果食到趕頭趕命就真係無晒意思。我唔敢講呢間o野會好食過華記呢間”名店”，不過食得最開心都係o係鳳城。

盛惠HK$20 o既”鳳城”車仔麵

鳳城小食店
電話： 24956683
地址： 青衣青怡花園青怡廣場地下G22號鋪

檢視較大的地圖

“串鋪”背後…..

華記小食店營業時間係上午七點到下午三點，一星期開得六日，究竟係點維皮呢？今天有人話如果食店時薪HK$33好多鋪會執笠，其實反過來呢種講法潛台詞係”我地剝削工人既合情又合理”。而我呢篇文想提出o既係，唔同食店有唔同既生存之道，包括唔需要剝削工人o既生存方式。幾年前搞零團費o既旅行社話唔逼o的團友買o野維唔到皮，其實有無諗過呢種根本唔係可持續o既營運模式甚或唔應該有呢種Business？同樣如果唔靠剝削就會摺埋o既食店，其實係咪要諗下可能真要被逃汰呢？

香港互聯網出了個Openrice，從此多一了個渠道可以令寂寂無名o既小店可以搖身一變成為排長龍o既名店。好食之人可以車費都蝕埋去上水廣成冰室，因此我認為只要食物做得好，大家係唔介意俾多些少錢去幫襯食店。