今天是2010年5月16日
大廈火警，真正解決辦法唔係去救火，係宣傳預防辦法。
豆腐渣工程問題，真正解決辦法唔係去捐錢，係嚴懲貪官污吏，避免慘劇再發生。
有人覺得我言論傾向福利主義，要政府派錢。Sorry，我係極之反對派錢，試想想如果李超人今日同你講佢會將佢身家平均分配俾所有香港人，當人人都有幾百萬買樓o既時候，結果帶黎o既通漲災難遠被現在貧富懸殊問題恐佈。解決社會問題應該從最根本 – 讓市民有選擇權，改善現有畸型政治體系。
有人打去電台問風水，風水師同佢講：你今年有橫財運，買六合彩有機會中頭獎。
以上說話唔駛風水師，我同任何人講都唔會有錯，只要有買六合彩，任何人都一定”有機會”中頭獎，問題係你有無落馬會買今期六合彩？
投票真係會為社會帶來改變嗎？
今天，香港人唔駛好似伊拉克人民冒生命危險落票站，唔駛上刀山落油鑊，唔駛俾錢，只需要行落屋企樓下，可能只係一街之隔o既票站就可以投一個希望。投票未必改變到o的咩，不過唔投票o既話就一定改變唔到任何事。如過你選擇唔投票唔表態o既話，以後就唔好怨政府呢樣o個樣。
如果有人屈你買左十張百佳Coupon，Deadline係今日，而你明知無得退返錢，你會點做？俾著係我：我點都用o左o的Coupon先。
Categories: 雞毛蒜皮
Recent Comments