推介：”十四歲的教課書” & “窮富翁大作戰”
自小弟有生以來，日版白色巨塔係我睇過最好睇既電視劇，劇集當中既醫療訴訟並非好人與壞人之對決，而係社會正面與陰暗面之對決，劇集呈現唔少現實社會既問題，沉重慘勝既結局帶來唔少反思。黃子華套劇唔駛我推介大家都會睇，所以今次為各位介紹o的無乜人睇既，分別係一部劇集同一部真人騷但內容同樣以社會陰暗面出發。
十四歲的教課書 – 逢星期日深夜十二點四十五分無記翡翠台
無記重播呢套劇(首播o係收費劇集台)本應係唔錯，不過一晚播兩集實在太Heavy，部劇要思考既地方太多。故事類似白色巨塔以訴訟作為主軸，不過今次係校園欺淩訴訟。男主角係電車男伊藤淳史，雖然日本本土收視麻麻，不過內容好值得深思，值得一看。
窮富翁大作戰 – 逢星期六晚亞記本港台七點 (RTHK官網)
靠努力係咪真係脫離貧困？港台搵左幾個生活無憂既有錢人要佢地去體驗貧困生活，雖然話條橋唔係佢第一個發明，不過我十分欣賞港台肯試做呢o的節目，點都好過睇唔知邊個大明星指住o的窮人大聲疾呼講句：嘩!!你真係好慘喎!!講一句”你好慘”，人人都識，但係你能夠體會嗎？ 一百萬人的故事，我同你知，天知地知政府知，只係o係呢o的moment政府就會教大家從”好”o個方面睇。真正既幫助唔係買隻LCD俾佢地，唔係俾一千幾百佢地，而係製造”靠努力可以脫離貧困”既環境，這個才是政府同社會既責任所在。
小弟在Google “窮富翁大作戰”的時侯，看到了這個Blog，其中一段是這樣的：
“這節目令我回想起一天到中環揼骨，幫我按摩的師傅是位年約40，來自大陸的女士。她告訴我來到香港的生活很苦，嫁個老公又不是自己喜歡的….如 果唔係我怕佢揼死我，我真係想丙佢一鑊。她嫁這個老公時又不是不知道他已經幾十歲，唔死都得番半條人命，冇錢仲要生個仔，個仔唔做乞丐仲可以做咩? 香港中產有少少錢，都左諗又諗要不要下一代，怕自己沒能力供養子女。我覺得要滅貧，首先一定要控制人口。
有一次到大陸工作，一位大陸朋友說：「南京大屠殺死了那麼多人 ，為什麼中國還有十四億人… ?哈哈」”
我唔敢Judge佢既諗法係有問題，因為好多香港人都會有佢呢種思維，我亦唔敢話我無咁諗過，我地生於香港住o係香港咁多年渣住香港身份証當然對香港無乜Fantasy，不過對內地部份同胞黎講香港仍然係好吸引(從早前香港機場航班延誤有內地旅客鬧爆”現在香港跟大陸一樣了”便可略知一二)。依家去批評這些內地來港同胞係一件幾咁容易既事，事情發生左，我地係咪應該諗下點幫助新移民，繼而話俾o的想申請單程証既內地朋友知What is Real Hong Kong呢(雖然都係無咩可能)？
您寫這篇的目的是什么呢。。。
what is real hongkong? then how many real hongkong people know that?…
這些例子。。只是很片面。。
中國清朝有閉關鎖國一說。。。就是因為覺得自己強大富裕從而覺得沒有其他國家可以相提并論。。最終接受“落后就要挨打。”
香港作為特區。。在經濟，行政方面都有一些特權。。是國內一些省市享受不到的。。作為香港人。。如果看不到其他省市的進步。。永遠只是對游客的行為片面之談。。這樣封閉自己。。
關于“what is real hongkong~”我又想問“what is real mainland china?“我在香港工作快一年。。很多同事問。。”你是大陸哪里的北京還是上海。。“我說南京。。噢。。南京在哪個位置？。。。。。上海旁邊。。噢。。。“也曾經聽過一些。。香港和中國不同啦。。這樣的話。。。
我想說的是。。如果自己不把自己當自己人。。。那又怎樣團結和進步。。。希望香港同胞可以看見內地的進步和發展。。而不是一味的挑剔和指責。。畢竟改革開放才幾十年。。而香港是被英國殖民了進百年之久先進的制度和文化素質確實優越先。。
您所謂的新移民。。是否太過了。。談不上移民只是從一個城市遷往另一個城市生活而已。。
首先多謝你的留言，如果我對內地同胞言論令閣下感到不安我在此先行道歉。
我對內地同胞的看法絕不是一竹篙打一船人，我認為隨著內地網民日漸成熟，對公民權利的認知，在某些情況下內地同胞比香港人更敢言，做的比香港人更多更好。移民是為甚麼？有些為了工作，有些為了婚姻，有些純粹為了利益，好像那些只為護照方便出國的。
標籤行為因文化差異而發生，不同國家的新移民都會出現這些情況，分別是內地跟香港也是一個中國，大家也是中國人，因此矛盾變得更深。Natalie，我對內地同胞的看法並不是那麼負面，自己也有不少朋友在內地居住，我的看法不是最重要，我想提出的是，我所Quote的博客文章並非個別人看法，提及的亦並非包括所有新移民，社會需要的時改善人的想法並同時幫助生活於貧窮線以下的新移民。