蔡瀾常去食肆 – 常去的定義
如果大家平時都係周圍食野既話，唔難發現唔少著名食府門面當眼位置都會有”蔡瀾常去食肆150間之一”既大大招紙，招紙作用其實同元朗教育路成條街o的食店差唔多都有滔滔張相既道理一樣，當然係想吸引食客話俾你地知我間鋪有幾咁巴之閉。更巴之閉係，”蔡瀾常去食肆150間”呢本書太好賣，再版已經Upgrade左做”蔡瀾常去食肆160間”。小弟腦海突然浮現出一個問題：何謂”常去”？假設一個月去一次為之”常去”，160間食店一年各去十二次，每次為之一餐的話一年就要食一千九百二十餐，平均每日要食5.26餐。本書係滔滔出既話，我信。蔡瀾一日食唔食到5.26餐，各位自己判斷吧!
小弟無意對才子作出挑戰，更無意質疑佢話好食既野係咪真係咁好食，小弟鍾愛既大家食同聯記都在蔡先生”常去”之列，不過”常去”呢o的字眼未免唔係太適合吧？
蔡生專欄不時會提及買料自煮，前幾日先講完各類烹調蛋的方法，
又唔知應該點計個條數了 XDD