To share what i see…

前幾日聽商台881李慧玲”左右大局”用左個幾鐘頭講王永平o係信報個專欄搬左去信報網站獨家刊登，李慧玲認為係政治陰謀，因為曾特首唔Like佢寫既野咁話。李慧玲打左俾信報董事陳慶祥問佢係咪李澤楷要佢打壓王永平個專欄，陳生當事已經慶慶地答左一大輪然後話：無!! 李慧玲 dead air左一兩秒之後講左句：你咁講……..我咁聽o羅，語氣十分惡劣。既然李小姐已經有預設答案又何必打俾陳生問呢，自問自答就得啦。再者信報真係有心搞好佢地個網，唔好講到Internet係沙漠地帶。李慧玲在節目問：難道信報連一個小小既王永平專欄都容不下嗎？敢問商台：點解你地可以容得下李慧玲呢o的咁既人做主持？你地要慳皮既不如叫查小欣頂埋”左右大局”啦。