我諗Router大家都唔會唔知係咩，甚至好多屋企都會有一舊方便Share寬頻，小弟就有一個友人既老公為左慳一個三腳插位要我幫佢用USB WIFI Adapter經Desktop ADHOC Share 寬頻返佢部Notebook。最後佢都知麻煩，開Notebook果陣都係用隔離鄰居o的”Free Hotspot”。事隔一排，友人老公打黎問我點解突然用唔到，我答：人地知你用佢個Router仲唔做野咩？佢話：你實有方法既(你電腦咁叻…..)。乜依家電腦叻既定義係要識埋做Hacker嫁?
o係獨立日群雄爭霸之前，和記已經於1997年推出CDMA服務。如果無記錯，香港出現的第一部CDMA電話唔係老黎廣告入面既Samsung 370，而係一部出自Qualcomm既磚頭。零五年政府宣佈收回牌照，眨眼間原來服務下個月就會正式停用，唔係小弟收到信都唔知。
無錯，小弟仍然係CDMA用家，話說幾年前仲有CDMA計劃係十幾蚊個月，我用黎hold住個number總算化算。依家打算轉去兔仔台，都係廿蚊個月左右，有興趣可以睇睇。以下係當年CDMA既廣告。
小第今日終於行經黃金見過傳說中的EEE S101，賣相的確很不錯。有人話EEE系列唔應該賣咁貴，不過以S101機身規格各樣HK$4998雖不屬抵買但亦算合理。衰就衰在EEEPC個Logo，有人因為個Logo到依家都唔買EEE系列，亦都有人買左EEE netbook用盡一切辦法搵Sticker遮住個Logo。點解你要咁堅持？係咪用黎特登搞Cheap呢個定位比較Cheap既系列？EEEPC Logo搭S101簡直係鮮花頂上一篤屎。
Recent Comments