To share what i see…

毓民錠蕉大家都話唔係咁適合，但我夠膽講，過半數香港人暗地裡心存興奮，覺得毓民Good Job！近期不論街市同屋村商場租戶，都對領匯大幅加租深感不滿。我夠膽講，全數領匯股東暗地裡心存興奮，都覺得領匯Good Job，賺多左錢，派息多左股價升，有咩唔好？同埋遲o的公屋係唔會再有人去街市呢o的咁唔衛生o既地方。

大家以為公屋係公公婆婆先住，原來依家愈來愈多年青兼大專學歷爭奪公屋Quota，情況有如A level同CE學生爭入IVE讀High Dip。呢批高學歷，唔知點解勁低收入o既人，其實消費力奇高，領匯應該將所有屋村商場引入LV，Prada，Cartier品牌，逃汰A貨LV雜貨舖。街市全部變身Taste，Citysuper，咁先係真正迎合呢批公屋住戶所需。

雷曼事件某銀行率先派彩，那些投資產品大部份回購價係……零！如果從大家比較認識o既窩輪角度睇，金錢變廢紙並不是甚麼新奇事，現在針酌的是銀行銷售方式。無論如何，兩三個星期前一二三四五六叔都未敢講回購價值o既事候，曾特首以行先死先大無畏精神率先為各苦主報價 – 仲有六七成！如今渣都無得淨，政府由監管責任問題升級至誠信問題，俗o的講就係拿屎上身。既然曾特首覺得o的投資產品仲咁值錢，不如由政府出資回購，你地估下納稅人制唔制？

PS：希望個Ending真係發白日夢先見到……

政府高官不知民間苦況，不知紅隧有幾擠塞，可能佢地真係搭火箭過海吧。小弟俾個建議政府，唔單只解決兩隧問題，仲可以解決中環塞車同埋中上環商業區供不應求o既問題，就係……填海!!

既然維港愈填愈窄，倒不如填滿佢，以後唔使隧道，唔使渡輪都可以由尖咀行過去灣仔，將來灣仔條行人天橋唔單只可以行去會展同稅務大樓，終點會Extend到文化中心。依家係豪宅o既凱旋門將來中產都由資格買，中環可以起多幾棟IFC，繼珠三角融合後，我地黎多個中環尖咀融合，建構香港最大商業區。政府多左塊突大土地，西九文娛區搞唔搞地產，Who Cares？

坦白講，維港空氣咁差，要唔要都無所謂了，係政府先可以咁口面皮將個維港CG到藍得咁假。

話說小弟半年前申請o左張Citibank Shell信用卡，簽滿HK$3,800就有張Shell HK$500 Cash Coupon。事隔半年，以為都無嫁喇。丫，點知幾日前終於收到信。

明明係一張張o既Coupon，唔係咩Printer電飯煲，竟然仲要我渣住張Redeem Letter去禮品換領中心換張Cash Coupon，都唔緊要。
一個月內要換，都唔緊要。
我打去禮品換領中心問，原來張Cash Coupon缺貨，十一月初先有，都唔緊要。

問題在於呢封我幾日前收到(郵Chop日期係十月十六日)o既信，Redeem Letter o既Letterhead日期竟然係九月廿九日，按照上文下理，Redeem Deadline係十月廿九日，Coupon就下個月先有，Citibank好野!!

PS：我打去Citibank問，佢地話可以照去換。不過成件事實在好難令人唔聯想其他野……….

• 曾俊華稱暫毋須決定是否回購隧道

財政司長曾俊華說，證監會及港交所正調查中信泰富事件，政府要等候初步調查結果，才會作進一步決定。他認為， 中信泰富董事總經理范鴻齡，暫時離任港交所及證監會公職，屬個人決定。對於目前是否適當時機，回購東隧及西隧，他認為現時毋須決定，要視乎交通情況。

(紅隧由朝到晚都塞爆，請問司長視乎交通情況係視乎咩交通情況呢？)

是日金句：

• 無論有危定有機，都要有部股票機 – 陸叔
• 俾唔到錢人賺的事，政府係唔會做的。