To share what i see…

以下故事純粹虛構，如有雷同，實屬不幸。

打從人類文明知道有上帝存在開始，我們同時開始知道 – 魔鬼的存在。上帝代表仁慈，寬恕，魔鬼代表罪惡，貪婪，數千年來人類一直從兩者擇其一，直到今天。如果將人類每次在上帝與魔鬼之間的選擇比喻為戰爭，那上帝敗仗可真多，反之魔鬼戰績彪炳，因為每場戰爭當中，魔鬼每次都懂得放大人類的軟弱。與此同時，很多時候”魔鬼”比任何事物更要美麗，更要亮眼。

現代電影製作人不時將”鬼”影像化成為”鬼片”，美國有鬼上身，香港有疆屍，日本有貞子，但這些通通不是魔鬼的化身，真正的魔鬼跟癌症一樣，”它”植入了每個人的軀體，”病發”可能只是時間問題。數千年來他們不斷以人的身分扭曲我們的善惡界線和價值觀，還為社會建構一種階梯，將貪婪合理化。有教徒為了當選議員找黑社會助選，有公司會將宗教包裝成會生金蛋的產品，有傳道人會以受神感召提早於股票市場放貨賺大錢作為宣教技倆。上帝既不是股評人，亦非財神，我們認同要與時並進的同時，並不等於認同扭曲宗教，扭曲普世價值。這些可能都是魔鬼作遂，但人類不能全歸罪於魔鬼，因為我們從未對魔鬼說不，不作聲也是一種默許，一種選擇。

然而，人認為如果沒有魔鬼，人便不會犯罪，故此如果上帝早一點消滅魔鬼就好了。但我們要記得，人犯罪之前，上帝早已警告亞當夏娃，創世記2:16-17說：「耶和華上帝吩咐他(亞當)說：「園中各樣樹上的果子，你可以隨意吃，只是分別善惡樹上的果子，你不可吃，因為你吃的日子必定死！」人當時是可以不吃那禁果的，當魔鬼來試探他們時，他們清楚的知道上帝的吩咐，只要他們聽上帝的話，堅拒魔鬼，他們便不致於犯罪，因為人當時是有不犯罪的自由，但人卻用了上帝所給他們的自由，選擇了去犯罪。Source

阿強是我從網上群組認識的朋友，向來大癲大肺，生性率直，說話因而不時得罪朋友，不過我們都沒有介意過，因為他對任何人都很好。幾年前碰巧有一個星期天早上經過教堂，看到他從裡邊出來，我才知道他是天主教徒。

我：你有朋友結婚？
阿強：返彌撒呀!
我：唔撚係呀？
阿強：好出奇呀？一大朝咪撚咁粗口啦你。

那天我跟他從教堂走到一家茶餐廳坐下，他一改平日滿口粗口，只談玩樂的作風，跟我說起”道”來，我問他是否想”踢”我入會，他笑說，他不喜歡”踢”人入會，信仰應該是自身感受，自己決定。

我：你信唔信有神蹟？ (神推鬼擁下不知何故這樣問了他。)
阿強： 根據聖經記載，耶穌曾經治癒過痲瘋病人，瘸子，瞎子。近代人類亦治癒過像天花等早年是不治之症的病，但奇蹟甚至神蹟不止於過去，還有現在和將來，活在當下的世上萬物不就正正體現神蹟嗎？上帝以神蹟創造包括人類在內的萬物，同樣人類一樣可以(甚至已經)體現神蹟，只要你願意相信。(回想起有點抱歉，當時我只是一笑置之)
阿強： 咁你又信唔信有神?
我：如果你問我呢個世界有無神，我會話: 一定有，如果唔係點會有呢個世界，我依家點會同你講緊o野? 如果你問我信唔信神，我唔會話唔信，因為我有屋企人係虔誠教徒，遠離家鄉，一邊傳道一邊幫人，按道理佢真係神派黎o既使者，不過如果要我信，唔該解釋下點解有o的高官教徒貪飲貪食貪著數，俾人踢爆仲要扮無辜，而最不可思義係，竟然有條友話佢說話真誠，o個個係教區堂口大佬喎，大佬!! 當然我唔會一竹篙打一船人，所以我唔會話信唔信，我會話，我有hesitation。
強尼：世間對人類o既考驗實在太多，魔鬼潛藏在我們每一個人心裡，我唔係傳道人，我唔識驅除別人心中o既魔鬼，不過作為教徒，只能潔身自愛。
我：算把啦你，你sell唔到我架喇。
強尼：咁不如我教你點recognize魔鬼。
我：係堅唔係呀?
強尼指住部電視機：中國有個四字詞十分有邏輯 - 相由心生，魔鬼會使人面容扭曲，你睇下親政府o個個議會大佬，你下佢笑….笑得幾撚奸。
我：屌!!又係喎!!!

那次是我最後一次跟阿強見面，雖然我並未被他踢入會，可是我對他的”神蹟論”十分深刻，沒想過阿強真的讓我體現了神蹟。

幾個月前，政府推行網絡安全法案諮詢，全面規管網上言論，並且將”長城”引入香港，我在Facebook傳了一個訊息問阿強有甚麼看法。

我：你o係Facebook日日咁鬧政府，你仆街喇!!
阿強：咁赤裸裸壓制言論自由，邊有可能會通過，你死我都未死。

萬料不到幾個月後，有民主派議員突然急轉軚，法案竟然獲得通過。在網上，網民討論不是太熱烈，因為本地的討論區大多已經關掉，剩下的是一個談育兒經的入門網站。不過當天的爸爸媽媽並非在談育兒經，而是”考股”，因為當天恆指創了新高兼以全日最高位五萬一千點收市，那天的香港的白天，餐廳侍應不是在送餐，街市賣菜的不是在賣菜，那天的香港人，除了做銀行投資部的，其他人都是不務正業在瘋狂式炒股，看來我們從來未曾從失敗汲取教訓，。究竟重覆犯錯是人類的宿命，還是人類的選擇？

但凡事總有例外，那天股市收市時，立會剛好通過網絡安全法案，我開了個Facebook App看看朋友有甚麼反應，不過他們大多(其實近乎全部)都在談自己的股票賺了多少，再看落一點，原來阿強在Facebook更新了一行簡單的Status。

“原來有將來的末日，比世界末日更可怕。”

這段status有十個人讚好，沒人回應，原來已經是一個小時前的事。在普天同慶的日子談世界末日，作為朋友真的有點擔心，當時我立即致電給他。

我：你Facebook寫o的咁o既o野，冇事呀?
阿強：我在那個建制派大佬辦公室樓下
我：你唔係諗住斬佢呀？
阿強：我跪在地下，懇求天主寬恕那個罪人。

電話斷了線，當時心想：竟然有人比股民更瘋狂，更癡線!! 後來打過幾次還是飛留言，當晚我一直在留意新聞台，看看阿強這個癡線佬有沒有上電視。翌日朝早，一起床我就打開報章網站，A1的畫面把我從半睡半醒的狀態拍醒，那個建制派大佬真的被殺，我細閱內容之下，警方稱正在通緝一名年約三十歲的本地男子陳昱強，雖然我並不知阿強全名，但那個”陳昱強”九成是阿強吧？這兩天我不時走落公眾電話亭，打電話給阿強，但還是留言信箱。因為屋企人叫我不要理太多，最後還是放棄嘗試聯絡他。不過事情總是這樣，你想搵時永遠搵唔到，當你唔想搵，他自然會出現。不過出現的並非是一個人，而是一封信。

今天從信箱拿到這封信，這是我近十年唯一一封我收過的手寫信，像是一封遺書。

——————

你好，我的朋友。

昨晚跟你通過電話後，我一直跪在他辦公室樓下，跪了好幾個小時，我終於看到他，當時我把他大力一拉，一起跪下來了，及後我向天主禱告，祈求主寬恕他的罪過。那時，他對我笑了，那種笑容跟以往的奸笑截然不同，彷彿魔鬼從他的軀殼離開。朋友，這就是我說的神蹟了!

他對我說：聽日我就會爆大鑊，到時法案就算已經通過亦不可能執行。

我們站起來，跟他落停車場取車，言談間他告訴我，原來政府在法案未通過之前的好幾年已經非法截取所有市民通訊，而且資料庫越來越大，以便更準確地翻查反動份子的電話，電郵，短訊記錄，無論網上網下，都一覽無遺，這是我沒有讓你找到我的原因，亦因此我寫信給你。

他並不是我殺的，我是跟他到停車場期間受襲擊，他幫了我逃走，而我卻眼白白看到他被群毆至死。我逃走到教堂附近，但我沒有入去避難，因為我從其中一人右手胎記認得，他是教堂的人。最後，我走入了一家寺廟，這是我生平第一次，亦可能是最後一次進入寺廟。我從微弱的光線看到那尊巨型佛像，我走近了，看到人們說佛像慈祥的笑容，我開口對著”它”問：你在恥笑我嗎？ 一個天主教徒，竟然要在一家寺廟避難。

想不到，數小時內，我跟神的關係，可以這麼近，卻突然那麼遠。你的hesitation是對的。

——————

就這樣，我沒有再見過，找過陳昱強，警方仍然在通緝他，我不知道他是否浪跡天涯，還是魂歸天國。假使有一天，我能夠再遇見阿強，我想跟他說：我跟你說我的hesitation，不是想你認同我，而是想你證明我是錯的。魔鬼，你又贏了一仗。

 There is only one constant. One universal. It is the only real truth. Causality. Action, reaction. Cause and effect

佛家談的是因果，我是深信不移的。那請問阿強錯在哪裡? 就是因為向天主禱告? 因果說的是沒錯，只是我們默許了別人的作惡，自己成了魔，我們的因成了阿強的果。如果上帝與魔鬼並非像共和黨與民主黨之間的選擇，當我們選擇了後者應該怎辦? 我不知道，我只知道，人類製造出來的惡果，只有人類才能解決。

聖經告訴我們自從天使長路西弗(魔鬼墮落前的身份)犯罪的那一刻，牠已經被上帝刑罰，讀者可參看以賽亞書14:12-15及以西結書28章。牠首先被摔離天上，路加福音10:18記載耶穌(對祂的門徒)說：「我曾看見撒但(魔鬼)從天上墜落，像閃電一樣。」 魔鬼被摔離天上後，牠繼續犯罪，牠引誘人類始祖亞當夏娃時，以一條古蛇形態出現，人聽了牠的話犯了罪，上帝立時審判牠說：「你(古蛇)既做了這事，就必受咒詛，比一切的牲畜野獸更甚；你必用肚子行走，終身吃土。」(創世記3:14) 以後牠不斷迷惑人，甚至到末世時迷惑普天下的人，逼迫及殺害上帝的子民。但請放心，魔鬼最終將被扔在火湖裡，啟示錄20:10說：「那迷惑他們的魔鬼被扔在硫磺的火湖裡，就是獸和假先知所在的地方。他們必晝夜受痛苦，直到永永遠遠。」故此，我們明白上帝掌管著一切，祂會按祂的計劃與日期在末日審判來臨時把魔鬼永遠拘禁。Source

早於坊間流傳特首選舉吹流選同白票風之前，我已經問過一個問題：究竟支持何俊仁o既泛民選委會唔會入場投票呢？

我個人未必支持，但定必尊重任何人認為對香港有利之不同方式，有人覺得透過議會外議會內抗爭可以推進民主，有人覺得走入建制取得行政權先可以有能力改善政府施政。有人話民主黨已經唔係泛民，係建制派，我都覺得無問題，因為香港人可以o係區選或者立會選舉決定佢地o既去留。問題係泛民選委究竟係代表一種乜o野立場 ?

泛民選委話要推舉一個泛民特首候選人，立場係”挑戰小圈子選舉不公義”，然後出o左個何俊仁，Fine。之但係如果泛民選委o係3月25日入場投票，咁就係完全違反佢地o既論述。投CY或者唐唐係一種表態，投何俊仁或者白票都係一種表態，兩種表態o既共通點係：佢地都係參與緊小圈子選舉，兩者都係”參與不公義小圈子選舉”而並非”挑戰小圈子選舉不公義”。

今次1,200人投票o既小圈子選舉，同大部份選舉一樣係不記名投票，目的當然係保障1,200人，咁邊個保障七百萬人呢?  如果係記名投票，泛民選委入去投白票我覺得無問題，相反如果係不記名，一來我信你地唔過，二來我敢肯定10個話投白票最後結果一定無10個，最後唔係我信你地唔過，而係大家信唔過大家。

如果睇緊o既你係1/1200，我呼籲閣下，俾o的GUTS，以WALKOUT替代白票。

如果睇緊o既你係只能投白票o既1/7,000,000，各位可以o係23/3港大普及投票網站或手機程式投票表態。

 

強國的”經濟外交”是甚麼?  是銀聯卡全球通行兼夾大打折扣？還是世界各地的大型連鎖店總要有一個懂說普通話的店員？對香港來說，這就是”自由行”。由奶粉，雙非到D&G事件，網民經常以”蝗蟲”標籤”陸客”，我其實不太認同，極其量只能說”蝗蟲”是大量”陸客”來港購物的”結果”，但他們絕不是”蝗蟲”。拿一段比較Eye Catching的Youtube片或者在內地論壇Quote一段精句去標籤大陸人是”蝗蟲”不難，但我總不相信十三億中國人都是”蝗蟲”。我們經常說，大陸人掠奪香港資源，買光我們的奶粉，從另一個角度看，他們千里迢迢來港買奶粉為的只是一份保障，要問的應該是為何堂堂大國未能保障奶粉這樣基本所需的安全性？為何內地媽媽不相信內地質檢的”保障”? 悲哀的不是人民，而是當權政府。如果要繼續追塑問題根源，就會返回資訊流通，監察政府施政，民主政制等問題。事實是，兩制差距太遠，如果當權體制不變，茅盾只會有增無減，而Lam盡自由行著數的香港人亦不用旨意阻止”大陸人掠奪香港資源”。

我不能，香港人亦不能抹殺”自由行”此時此刻對香港經濟的貢獻，但我不禁一問，如果香港沒有”自由行”就不行，那沒有CEPA前的香港人都是食屎的嗎？我不是反對”陸客”，而是特區政府過份依賴內地，由九七前的產業單一化推進至現在的產業空洞化，這種糖果吃得太多恐怕會變成慢性毒藥。身邊不少朋友們都有我類近的憂慮(嚴格上來說已經實現，所以不算是憂慮)，將這份憂慮的情感反射至上星期的台灣總統選舉 -- 希望蔡英文贏。

香港不高興 from MagicHour Studio on Vimeo.

我們怕的不是香港失寵，我們怕的是台灣會步香港後塵。然而上星期六的結果並不如我所想，但我還是尊重台灣人民的選擇，天佑台灣。

今次民進黨輸了，但蔡英文輸票不輸人，一直以來我都覺得蔡英文說話”堀雷除”，欠缺感染力。但她的”敗選宣言”連我這個”局外人”也為之動容。跟八年前連宋兩老敗選後在凱道賴死唔走形成強烈對比。

今天晚上，我相信大家心裡都很難過；如果你心裡真的很難過，就讓它發洩出來。你可以哭泣，但不要洩氣。你可以悲傷，但是不要放棄。因為明天起來，我們要像過去四年一樣的勇敢，心裡充滿著希望。因為，我們必須勇敢地扛起這個國家的責任，我們必須樂觀地，繼續為台灣這塊土地打拼。(全文)

延伸閱讀: 安裕：不要讓台灣變成第二個香港

去邊度旅行?又係台灣?台灣邊度?又係台北? -- 以上就係每次去台北友人們俾我o既反應，不過今次係我人生第一次唔o係香港跨年，以下係今次小弟過台北自由行o既小分享，希望幫到大家。

出境攻略

小弟認為，去旅行就算幾Hea都好，都唔好Hea o係機場，所以一定要用最快時間入境兼離開機場。以下係小弟建議流程: 假設你唔係一支公自由行，一落機應該兵分兩路，一路兌錢(我見好多香港人o係度格價，其實間間個Rate同百年都差唔多，格得黎就有排排隊，另外雖則去台灣唔會洗得多，不過兌多都無壞，因為今時今日無o野慘得過渣”美完”同”港完”，兌多o左下次旅行再用，分分鐘買o野可以打個九折)，一路去排入境，最好排o係本地人隔黎條隊，因為本地人條隊清晒之後會轉俾遊客。

買上網卡

要算到咁盡係因為如果你要上網，入境後o係機場買上網卡o既Counter既多人又等得耐，尤其係”台灣大哥大“，可能因為佢係最平o既關係，但基本上隔離中華電信同遠傳o既日租卡價錢亦唔係貴好多。我買o既係面值TWD500(另送100，共600)o既中華電信充值卡，然後Join七日任上網計劃(TWD450，直接從充值卡扣除，即係淨返150)，我個人建議最好有埋Voice(一陣再講點解)，特別要讚下係每通電話完成後都會有短訊提示餘額(唔肯定係咪個個台都有)，另外上網其實係計”時數”，以我為例，七日即係168個鐘，唔用或者o係iPhone停用數據都唔會計”時數”，有效期半年(又係唔唔肯定係咪個個台都咁計)。如果係用行貨iPhone/iPad，”應該”已經有各個台灣電訊台APN設定(中華電信係，其他又係唔知)，即係乜都唔駛SET。

在台灣使用3G手機上網

溫馨提示:
1) 所有台都有Micro SIM提供
2) 離開香港可以申請漫遊飛線(如一電通)，慳返唔少打入IDD費。
3) 如果置身海外都要經常打出打入香港，不妨申請香港寬頻2b電話，可以用iPhone/Android app講電話，HK$28個月，唔用o個個月唔駛錢(唔用最多可以Keep Number 180日)，唯一問題係對上一次試個Android版Kill o左個App有人打黎無Push。
4) 如果用用下2b app發現個number一直出錯誤，可以o係登入”2b個人助理”  click “2b重設”，然後刪除號碼，重新登入一次”2b個人助理”，再加返個號碼就得。
5)其實2b仲有個來電過濾功能，用Desktop上 http://pa.2b.com.hk 就會見到，不過唔多識用o既話就唔好亂撚喇。

住宿

“Check In”中

話說小弟原先係買自由行Package，不過唔知係咪太遲買，有機票無酒店，聽旅行社o的Staff講原來跨年酒店比聖誕仲爆，如果無理解錯應該係台灣人自己都會去台北Join跨年所以有咁o既情況，最後我搵o左有間叫”愛租王“o既日租房。

呢間愛租王都幾神秘下，我o係Google Search都唔係幾搵到有人Comment佢地，主要溝通都係靠電郵，不過佢地應該都幾多香港客，因為俾錢可以過數去香港滙豐戶口。我地租o左兩晚，平均每晚約港幣$600，如果平日大概HK$300 -- 400一晚。其實整個”訂房”流程，就好似o係官網睇一樣，淨係知位置o係邊個捷運站附近，確實位置完全唔知，電郵叫我地到台北車站拎鎖匙o個陣都係搵個landmark企o係度交收，就好似o係旺中等人咁。

 

拎完匙第一時間搭捷運去住處，基本上佢地所有房間都係鄰近捷運站，我地訂o個間就o係忠孝復興捷運站附近，捷運站出口行兩分鐘左右就到，唯一唔方便係要行樓梯(唔係間間都要，留意網站房間介紹)。真係唔去到都唔知，原來係唐四樓一個單位，然後一拆四至六個房(相信其他房間都係類似咁做)，同網站圖片比較，都有七八成近似，除o左牆邊清潔麻麻，純訓覺黎講算係十分OK(要靚可以考慮之前介紹過o既馥華，依家開o左新捷運線，o係正酒店隔離，方便o左好多!!)。留意如果住多過一晚o既話，愛租王係唔會好似酒店咁日日同你執房，同埋要自備梳洗用品。

溫馨提示:
- 電郵查詢最好一次過俾幾個option佢，分埋先後次序。

EZ5 Live House

認識Ez5係因為十幾年前o係Boxup Download過一張叫”PUB不夜城”o既駐唱歌手合輯，今次去台灣前突然諗起，決定去會一會。

Ez5係一間每晚都有Live Performance o既音樂餐廳，收費每位TWD800，包兩張Coupon，每張可以換一樣食物或者飲品，兩者份量都唔少，以咁o既價錢仲要有歌聽算幾抵。Ez5每晚駐場歌手都唔同，網站同Facebook專頁都可以睇到當月駐場歌手資料，我地當晚有梁一貞，蘇子同卓義峰。講Funny肯定係蘇子大哥，但係論唱功實在不能不大推卓義峰。

由Bon jovi唱到Ricky Martin “Let me entertain you”，沙聲，高中低音海豚音樣樣皆能，把聲絕對係屈機，如果靚仔少少我諗佢應該可以好紅。

溫馨提示:
- 來台前記住訂位
- 如果來台慶生碰巧當晚去Ez5而蘇子o係度記住話俾佢聽你生日 XD

來台三件事：食，食同埋食

台北食o既大把，真心講，求其搵o的o野食都唔差得去邊，反而諗下想食邊範仲好。記住Download “台灣Openrice” iPeen 愛評網搵食，我就係咁樣o係日租房附近搵到間”三兩燒肉”，大概港紙百頭就可以任食，仲要係炭爐黎，香港要咁食法先唔好講最少要兩舊水都唔知有無咁足料，最重要係唔知要排隊排幾耐。

如果問我有咩係必食，係得一樣 - 廖家牛肉麵。話就話牛肉麵係台灣”特產”，如果大家真係諗住食廖家，不妨求其搵一間牛肉麵食，食完再幫趁廖家就會知佢個湯底有幾堅。特別推介佢o的”小菜”泡菜，唔係Kimchi，係酸酸地o既醃菜，美味醒胃。

溫馨提示:
- 牛肉麵同牛肉湯麵o既分別係 -- 牛肉麵有牛肉，湯麵無。
- 寫blog呢一刻做過o的research好似呢間牛肉麵都唔錯 - 與廖家牛肉麵系出同門的良月牛肉麵
- 返到香港先知原來新開o左個號稱北台灣最大夜市 -- 輔大花園夜市，各位去完可以話俾小弟知正唔正 ^_^
北台灣也有花園夜市-輔大花園觀光夜市泰式椒麻雞超推 …
- Last but not least，開頭講買電話充值卡最好有埋Voice，因為可以打電話訂位，無謂去到想食o個個地方點知無位。

台北跨年 + 101煙花

台北跨年氣氛不比香港o既差，而且跨年晚會總多，不過要睇台北101跨年煙花就可以順便去睇市政府前地o既跨年晚會。差唔多每年都有五月天做壓軸(今年因為自己有演唱會，所以變o左做開場)，不過要”睇到”o既話就要五六點去到，因為市政府前地個設計問題，如果企後些少已經比o的panel同spotlight擋住。唔想咁樣逼入去可以考慮o係鄰近信義商場附近坐底等睇煙花，好幾個位都有投射銀幕直播跨年晚會，附近亦有好多臨時小食檔，肚餓可以買條香腸或者花枝丸醫下肚。

記得上年睇搭船睇國慶煙花，一上到船個導遊第一句就係：唔好意思，其實煙花最好睇唔係搭船(後來話最好睇應該係o係會展，因為睇煙化o既最佳位置一定係留俾有錢人)。睇台北101煙花一樣都有best view，當日出發前一定要留意新聞台報當晚風向同最佳位置，唔係可以乜都睇唔到，好似對上兩次o既跨年煙花，如果o係跨年晚會o個邊睇就只會有煙無花。

我自己無o係文化中心睇過新年或者國慶煙花好難比(雖則我覺得搭船睇o個次國慶煙花不及101煙花)，要比就比IFC，不過真係無得比，101正太太太太多。其中一個大原因係因為o係香港唔可以咁近距離睇IFC煙花，加上今次係101八年黎密度最高o既跨年煙花，唔好睇就有假，我地為o左呢四分鐘，足足等o左四個鐘，只能用一個字形容 -- 值。

仲有一樣係香港睇煙花唔可能會發生o既事，就係當101放完煙花後，其實週邊都有人係咁放緊煙花(講真真係唔肯定係咪合法)，有小型有大型，基本上由101行返去忠孝復興半小時途中都有人放緊，o個種被爆煙花聲音包圍o既感覺有o的似身處戰場打緊仗咁。

溫馨提示:
- 就當我用5d mark ii拍都只會係有形無實，要睇一定要睇現場!!
- 信義區有間o係天台o既nightclub叫myst，對正台北101，無論係咪跨年睇台北夜境都一流(其實o係台北101觀景台無咩好睇的)，如果想睇跨年煙花呢個都係其中一個選擇。
美麗華大直IMAX

雖然美麗華大直已經唔係亞洲最大IMAX，不過同最大相差唔遠，如果同Megabox比再大一截，真正銀幕包圍眼球，網站可以先預訂(唔駛俾錢)，然後o係開場四十分鐘前到場買飛。睇完戲可以去美麗華地標 - 摩天輪。如果商場唔夠行仲可以過隔離家樂福Shopping。

消費二三事

Uniqlo -- o係香港永世唔係無貨都斷色斷碼o既”黃宗澤”，o係台灣大量現貨，雖然賣得貴過香港，不過服務真係好得恐佈，Cashier俾返張收條我差唔多九十度鞠恭，同o係廣東道名店排隊買幾皮o野包包形成強烈對比。

曼秀雷敦 -- 我無寫錯你無睇錯，真係曼秀雷敦，香港有rain代言賣HK$5x，台灣無o左雨神張sticker賣HK$2x，真係_!!

Macaron -- o係台北車站B1 o既臺鐵便當2號店，見到有盒好似Macaron o既物體，但只係賣TWD50，香港一粒o既價錢就可以買到一盒!! (當然o的Macaron係山寨版，但係食落都有返七八成感覺 XD)

Next Taiwan

適逢台灣總統選舉，我去o左睇睇蔡英文o既競選總部，有今次Campaign吉祥物小豬(詳見 三隻小豬運動)，亦有好多凳俾人坐，其實我都唔知o的人坐o係度有咩做，感覺有點傳銷Feel。有位女仕走過黎同我地寒喧，佢雖然知道我地係香港人，不過都熱情相向，話自己都去過香港，又話台灣最緊要o既係：唔好變成下一個香港。

同競選總部相連，係賣今次Campaign記念品o既小英商號，有tee，有書有唱片，亦有一o的本地農民o既包裝米賣，其中我留意到一樣記念品包裝下面o既一句話：生活不在他方，在台灣。

曾幾何時，甚至寫緊blog o既呢一刻，我，甚至唔少朋友雖然無實行，但係都有諗過移民，見到”他方”有人仍然對自己o既地方”有堅持”，點可以唔慚愧。今時今日一個好o既政府要做o既，係好簡單，亦係最難，就係唔好讓惡果俾下一代承受，台灣有民主，有民選總統，係咪一定做到？未必。但至少，佢地仲有選擇，仲有改善o既可能性，仲有對上一次特首選舉梁家傑話我地香港無o既 -- 願景。

老左話沒有國那有家，問你為國家做過甚麼？不如問我地俾o左一個咩將來俾下一代？當一個人諗點解多過諗你/理想，咁樣做人同做條鹹魚其實無咩分別，當一個社會超過一半都係咁o既人，咁唔係dying，this city is dead you know？

 

睇返對上一篇Blog，原來我已經無寫Blog兩個月有多。無寫咁耐o既原因係: 工作太忙(今次寫都係勉強偷閒)，咁忙都要寫o既原因有兩個: 一來係因為我係一個重視回憶o既人，偏偏記性奇差，如果我唔寫返呢期發生過o既事，我隔一排就會唔記得。二來寫Blog算係小弟興趣，又可以減下壓，如果寫Blog可以維生就名符其實寓工作於娛樂，我應該可以摺埋間公司佢。可惜我欠o左做呢行最基本o既要求:  Sale屎，無論件Product或者件事好唔好，都要讚好。

記得兩年前，Motorola部Milestone岩岩o係香港見街，小弟都入o左一部，當時我係用緊iPhone 3GS，根據各大Forum/Blog討論，主要唔係提Crystaltalk話音或者部機本身有幾好，反而統一口徑話部機快過iPhone 3GS。我作為一個3GS用家，見到呢個輿論實在百思不得其解，你可以用Tech Guy角度話因為Android當時行Multitask 3GS無慢係應該，但呢o的說話同Enduser講實在係no sense，究竟話3GS慢過milestone o既人用意何在?

或者咁講，如果法律規定人類只能做自己喜歡o既工作，咁無一個國家失業率可以少過90%，即係總有人(甚至所有人)都要做厭惡性工作，你可以唔同意呢個咁奇怪o既論述，But that’s the reality。個個去炒股票o既話，邊個去劏雞? 個個去做Apple，邊個賣Nokia? 如果出年係世界末日，末世前呢個世界俾我最大o既Message係，唔好信人，只要信自己。o係我仲係用28.8kbps上網o既年代，網上好似無依家咁多呃呃騙騙。o係我o既理想世界，地球得以仍然運轉，係因為愛，而愛係由信任起始，我講緊o既愛不單止係對家人，而係Everyone，當信任人變成一種罪，咁錯o既係我地對人o既信任還是係我地o既社會呢? 現實答案係前者。

講到呢o的問題不其然有點sad，不過其實我個人又唔係好sad播，正如開頭所講，呢期忙過鬼，以前見到o的客o既蘇州屎(俾人投訴o既律師信)都係有o的驚，依家我已經忙到見到呢o的都無晒感覺。正當我以為我已經對任何事無晒感覺，唔識驚，忙到連壓力都唔記得係咩o既時候。我發覺呢o的o野，呃到人，甚至呃到自己，但係永遠呃唔到一樣o野: 夢。前排我發o左個咁o既夢。

夢o既第一個場景排隊玩過山車，等o左勁耐，我聽o左個電話，好似係個friend o係我公司等我，我同佢講我同女友仲排緊隊玩過山車。等o左好耐，最後等唔到我自己返o左公司，返到去我無見到個Friend，反而見到個Sales(我唔知係Sell咩，總之係Sales)，見到間公司變o左間Datacenter，好多Server櫃，個Sales好似等得唔耐煩，我同佢叩o左29次頭。最後一個場景係我搭車見到有煙花，收音機旁述話爆三十次煙花係好兆頭，但係廿九次係代表斷頭，係不祥之兆。

究竟個夢代表咩? 我唔識完全解讀，希望各位睇埋下一篇Blog可以幫我解讀一下，謝謝。

(待續)